Mnohija minčuki skardziacca na susiedziaŭ-kurcoŭ, ale być śviedkami nie chočuć. Pra heta paviedamiła siońnia žurnalistam zahadčyca redakcyjna-vydavieckaha adździeła haradskoha Centra zdaroŭja Alaksandra Łahun.
Jak adznačyła Alaksandra Łahun, mnohija žychary źviartajucca ŭ roznyja instancyi sa skarhami, što ich susiedzi kurać na leśvičnych placoŭkach, adnak pakazańni śviedak u dačynieńni da kurcoŭ davać nie śpiašajucca, bajučysia kanfliktaŭ. Za 2014 pa skarhach žycharoŭ da administracyjnaj adkaznaści pryciahnuty 41 čałaviek. Akramia taho, u dačynieńni da parušalnikaŭ vyniesiena 9 pradpisańniaŭ i praviedziena bolš za 1 tysiaču prafiłaktyčnych hutarak.
Łahun patłumačyła, što na susieda-kurca žychary mohuć paskardzicca albo rabotnikam milicyi, albo ŭ žyllovuju słužbu, napisaŭšy piśmovuju zajavu. Dla paćviardžeńnia fakta kureńnia možna zrabić fatahrafiju i prykłaści jaje da zajavy ŭ jakaści svojeasablivaha rečavaha dokazu. Suma štrafu za kureńnie ŭ padjezdach składaje ad 10 da 30 bazavych vieličyń.
