Skandał u Polščy: prezident karystajecca pasłuhami suflora-palittechnołaha
Čarhovy skandał razharajecca ŭ Polščy z udziełam ciapierašniaha prezidenta krainy Branisłava Kamaroŭskaha, jaki ŭ druhim tury vybaraŭ budzie abaraniać svaju pasadu ŭ supraćstajańni z kandydatam ad partyi «Zakon i spraviadlivaść» Andžejem Dudam. U Internecie vialikuju papularnaść nabyło videa, na jakim bačna, jak prezidentu na publičnaj sustrečy dapamahaje suflorka.
Žurnalist Semiuel Pierejra apublikavaŭ u svaim akaŭncie ŭ Twitter videa, na jakim bačna, jak žančyna, jakaja supravadžaje prezidenta, nachilaje hałavu da jaho plača i niešta havoryć Kamaroŭskamu. Paźniej źjaviłasia jašče niekalki zapisaŭ, jakija pakazvajuć dadzienuju situacyju. Hetyja videa ŭžo karystajucca vielizarnaj papularnaściu i aktyŭna abmiarkoŭvajucca va ŭsich polskich ŚMI. Tym nie mienš, jość taksama dumka, što Branisłaŭ Kamaroŭski paprostu nie moh by čuć parady suflorki z-za taho homanu, jaki stajaŭ naŭkoła.
Varta padkreślić, što Kamaroŭski źjaŭlajecca abjektam raznastajnych žartaŭ u Polščy z nahody svaich lapaŭ u publičnych vystupach. Tak, samym apošnim «pierłam» u jaho vykanańni stała vykazvańnie, što hałoŭnym sajuźnikam Polščy ŭ Jeŭrapiejskim Sajuzie źjaŭlajucca Złučanyja Štaty Amieryki.
Kamientary