Uładzimir Niaklajeŭ, jaki ŭ krasaviku syšoŭ z pasady staršyni kampanii «Havary praŭdu», raspavioŭ pra svaju novuju hramadzkuju inicyjatyvu ŭ intervju radyjo «Svaboda»:
«Ruch nazyvajecca «Za dziaržaŭnaść i niezaležnaść Biełarusi» — tak, ja zajmajusia hetym amal štodzionna. Mušu skazać, što ŭsio idzie tak, jak ja i čakaŭ: jość zapałochanaje i pasiŭnaje hramadztva. Moža być, majuć racyju tyja, chto mnie davodzić, što čas hety — nie dla stvareńnia niejkich masavych narodnych ruchaŭ. Jak byvaje čas dla stvareńnia novaj relihii, tak i čas, kali jaje stvaryć niemahčyma. Ale ja pierakanany, što čakać niejkaha spryjalnaha času nie davodzicca. Usio-tki my majem vidavočnuju pahrozu našaj dziaržaŭnaj niezaležnaści. (…) Ja hłyboka pierakanany, što zachavać i ŭratavać Biełaruś moža tolki biełaruski narod.
Ale siońnia narod prosta nie razumieje, što ciapier adbyvajecca: jak jaho padmanvajuć, jak im manipulujuć — nu prosta nie razumieje. Usie zazambavanyja hetaj aficyjnaj biełaruskaj i rasijskaj prapahandaj i nasamreč vierać, što Pucin pakłapocicca pra Biełaruś, kab tolki nie stałasia tak, jak stałasia va Ukrainie. Tamu treba ludziam tłumačyć, što ŭsio surjozna, što bieź ich udziełu ŭ budučyni Biełarusi hetaj budučyni moža prosta nie stacca. Voś dziela hetaha ja i pačaŭ hetym zajmacca.
Toje, što zajaŭlaje Łukašenka, što ŭ jaho niejkija jość siły dziela taho, kab spravicca ź lubym voraham, «jaki zamachniecca choć na kavałak biełaruskaj ziamli», heta ŭsio — pusty viecier. Tamu što niama takich siłaŭ, bo nie stvoranyja nacyjanalnyja siły, jakija b adstojvali Biełaruś. Śpiecsłužby jahonyja naskroź prarasiejskija. Ja tam byŭ i mieŭ mahčymaść paznajomicca z najvyšejšym kamandavańniem hetych słužbaŭ i siarednim. I ŭsie jany, amal što, — tak zvany «ruski śviet». I ŭ vojsku biełaruskim, pa sutnaści, adnyja rasiejskija hienierały i, chutčej za ŭsio, jany vykanajuć zahad Pucina, pra što jany i kažuć, kali aryštoŭvajuć našych aktyvistaŭ. Maŭlaŭ, što siudy pryjdzie Pucin, siudy pryjdzie «ruski śviet», i my vam tady, nacyjanalistam, pakažam».
Ciapier čytajuć
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich4
Kamientary