Premjer-ministr Luksiemburha Ksaŭje Bietel staŭ pieršym u Jeŭrasajuzie i druhim u śviecie kiraŭnikom urada, jakija zaklučyli adnapoły šlub.
U piatnicu 42-hadovy Bietel aficyjna zarehistravaŭ stasunki sa svaim hramadzianskim partnioram, 36-hadovym bielhijskim architektaram Haćje Destnie.
Zakrytaja cyrymonija šlubu prajšła ŭ haradskoj ratušy Luksiemburha. Natoŭp kala ratušy absypaŭ ščaślivych maładych kanfieci i rysam.
Pa źviestkach ahienctva Frans pres, na vychodnych para źbirajecca zładzić z nahody viasiella pryjom na 500 haściej.
Jak paviedamlaje hazieta Luxemburger Wort, u liku prysutnych na cyrymonii byli premjer-ministr Bielhii Šarl Mišel i premjer-ministr Estonii Taavi Ryjvas.
Šmathadovyja stasunki
Paŭnavartasnaha miadovaha miesiaca ŭ maładych, miarkujučy pa ŭsim, nie budzie, bo Bietelu nieŭzabavie treba budzie lacieć u Kazachstan na ekanamičny forum. Akramia taho, z 1 lipienia Luksiemburhu pierachodzić staršynstva ŭ ES.
Pravacentryst Ksaŭje Bietel sfarmavaŭ urad Luksiemburha ŭ 2013 hodzie, pakłaŭšy kaniec 19-hadovamu premjerstvu Žan-Kłoda Junkiera, jaki ciapier uznačalvaje Jeŭrakamisiju.
Parłamient Luksiemburha ŭchvaliŭ adnapołyja šluby ŭ lipieni 2014 hoda, a ŭžo ŭ žniŭni Bietel abviaściŭ pra namier zarehistravać svaje šmathadovyja adnosiny z Destnie.
Pieršym adkrytym hiejem na pasadzie kiraŭnika ŭrada ŭ ES ličycca były bielhijski premjer Elia dzi Rupa.
Pieršym suśvietnym lidaram, jaki zaklučyŭ u 2010 hodzie adnapoły šlub, nazyvajuć kiraŭnika ŭrada Isłandyi Jochanu Sihurdardocir, adnak Isłandyja ŭ Jeŭrasajuz nie ŭvachodzić.
Cichanoŭskaja i Zialenski ŭpieršyniu praviali sustreču. Zialenski zaprasiŭ Śviatłanu ŭ Kijeŭ14
Kamientary