Łukašenka: My pabudavali ŭ krainie hramadzianskuju supolnaść

A. Łukašenka siońnia vystupiŭ pierad studentami Biełaruskaha dziaržaŭnaha ŭniversytetu z dakładam na temu «Biełaruś u sučasnym śviecie». Jon abvinavaciŭ Zachad u pieradziele śvietu i pryznaŭ, što vypuściŭ «niekatorych źniavolenych, da jakich Zachad maje asablivyja pačućci».

Kazulina nia vypuściać?

Alaksandar Łukašenka zajaviŭ, što daterminovaje vyzvaleńnie niekatorych viaźniaŭ u krainie abumoŭlena humannaściu i źjaŭlajecca adnym z krokaŭ nasustrač narmalizacyi adnosinaŭ z ES:

«My pajšli nasustrač. Ja maju na ŭvazie daterminovaje ci ŭmoŭnaje vyzvaleńnie niekatorych viaźniaŭ, da jakich maje Zachad asablivyja pačućci. Ich vyzvaleńnie nijakim čynam nie źviazana z apraŭdańniem ździejśnienych złačynstvaŭ, a tolki humannymi mierkavańniami.

Pavodle Łukašenki, «my zaharnuli hetuju balučuju staronku u adnosinach z Zachadam i pieršymi prapanujem ruch napierad». «Ciapier čarha ES demanstravać svaje dobryja namiery u adnosinach da biełaruskaha naroda».

Pra «kartu palaka»

Pryniaćcie Sojmam Polščy zakona «Ab karcie palaka» nie zmoža nanieści adčuvalnaj škody Biełarusi, skazaŭ jon. «Našy dobrazyčliŭcy ŭžo nie raz rabili sprobu ŭmiašacca va ŭnutranyja spravy krainy, razyhryvajučy nacyjanalnuju kartu, štučna razduvajučy «polskaje» i «jaŭrejskaje» pytańnie. Śviežy prykład — pryniaćcie Sojmam Polščy zakona «Ab kartcy palaka». Nie tak daŭno Vienhryja sprabavała ŭvieści takuju ž kartku dla svaich dyjaspar. Adnak adrazu ž zahučali rezkija pratesty ad Rumynii, Słavakii i Aŭstryi. Tady mižnarodnyja arhanizacyi pryznali takuju praktyku parušeńniem pravoŭ čałavieka», — skazaŭ Alaksandr Łukašenka.

Na žal, ciapier takoj družnaj i ŭzhodnienaj pazicyi ad jeŭrapiejskich krain pakul nie było, kanstatavaŭ prezident. «I nam čarhovy raz davodzicca sutykacca z dvajnymi standartami ŭ adstojvańni svaich zakonnych pravoŭ i intaresaŭ».

Pra apazycyju

Alaksandr Łukašenka nazvaŭ isnujučuju na zamiežnyja hrošy apazicyju bajavymi atradami pa praviadzieńni čužych intaresaŭ i palityki ŭ Biełarusi.

Pra biznes i pradprymalnikaŭ — t.zv. spekulantaŭ

Biełarusi pavinny dziejničać adnolkavyja padychody da viadzieńnia biźniesu pradprymalnikami i pradpryjemstvami, paviedamiŭ prezident Biełarusi.

«Jašče nie tak daŭno pradprymalnikam, tak zvanym śpiekulantam, nie było kudy dziecca, nie było arhanizavanych handlovych miesc. Tady ja pasprabavaŭ usio heta pryvieści ŭ cyvilizavanaje, narmalnaje rečyšča. My dali im istotnyja lhoty, prefierencyi na niekatory čas, abaranili ich», — raskazaŭ kiraŭnik dziaržavy. Pradprymalnikam heta spadabałasia, jany pryvykli i asobnyja ź ich pačali pracavać pa šerych schiemach, dadaŭ jon. A ŭ vyniku, naprykład, biełaruskim pradpryjemstvam lehprama, jakija vypuskajuć jakasnuju pradukcyju, davodzicca kankuryravać z pradprymalnikami, jakija ŭvoziać u krainu tavary sumnieŭnaj jakaści.

Pra hramadzianskuju supolnaść

Alaksandr Łukašenka ličyć, što ŭ Biełarusi ŭžo stvorana hramadzianskaja supolnaść. «Zachodnija ŚMI lubiać paprakać nas u tym, što my, byccam by, pieraškadžajem raźvićciu hramadzianskaha hramadstva. Ale davajcie pahladzim, što adbyvajecca na samoj spravie. U krainie pracuje bolš jak 2 tys. hramadskich abjadnańniaŭ, dziejničaje 15 palityčnych partyj. Ci ž heta nie lepšy dokaz?» — padkreśliŭ Łukašenka.

Pra nacmienšaści i kanfesii

«U Biełarusi nikoli nie budzie dapuščany raskoł hramadstva pa relihijnaj abo nacyjanalnaj prykmiecie. Lubyja prajavy nieciarpimaści, raspalvańnia varožaści i ekstremizmu sustrenuć rašučy adpor»

U Biełarusi, pavodle słoŭ kiraŭnika dziaržavy, vysoka cenicca ŭkład usich kanfiesij i nacyjanalnaściej u farmiravańnie ahulnaj kultury biełaruskaha naroda. «Usie my składajem adzinuju histaryčnuju supolnaść — biełaruski narod. U nas ahulnyja mety i zadačy: umacavańnie suvierenitetu krainy, raźvićcio ekanomiki, pavyšeńnie dabrabytu ludziej. Mienavita ŭ adzinstvie naroda naša siła i załoh paśpiachovaha ruchu napierad», — ličyć Alaksandr Łukašenka.

Jak adznačyŭ prezident, kožny, chto žyvie ŭ respublicy, pavinien razumieć, što jon pierš za ŭsio hramadzianin Biełarusi i tolki potym — biełarus, ruski, ukrainiec abo jaŭrej, viernik abo ateist.

Pra dyjałoh z krainami Zachadu

«Biełaruś zacikaŭlena ŭ dyjałohu z krainami Zachadu». «Našy padychody krajnie kanstruktyŭnyja: patrebny nie dyktat, a dyjałoh! My vielmi zacikaŭleny ŭ supracoŭnictvie z krainami Zachadu, asabliva Jeŭrapiejskaha sajuza», — skazaŭ kiraŭnik dziaržavy.

Jon dadaŭ, što na dolu Jeŭrasajuza prypadaje kala 40 pracentaŭ biełaruskaha ekspartu. Rynak ES źjaŭlajecca dla respubliki druhim pa značnaści paśla rasijskaha. Ekanamičnaje partniorstva z krainami hetaha rehijonu sadziejničaje pryciahnieńniu ŭ Biełaruś inviestycyj, sučasnych technałohij, madernizacyi vytvorčaści. Z druhoha boku, handal ź Biełaruśsiu i ŭdzieł u zabieśpiačeńni biełaruskaha tranzitu źjaŭlajecca adnym z najvažniejšych elemientaŭ ekanamičnaj, a značyć, i sacyjalnaj ustojlivaści dla našych bližejšych susiedziaŭ — Polščy i bałtyjskich dziaržaŭ, adznačyŭ Alaksandr Łukašenka.

Pra AES i radyjofobiju

«Budaŭnictva AES daść mahčymaść amal na treć źnizić patrebnaść Biełarusi ŭ impartnych enierhanośbitach», ‑‑ zajaviŭ Alaksandar Łukašenka.

«Budaŭnictva sučasnaj, nadziejnaj atamnaj elektrastancyi dapamoža harantavana zabiaśpiečyć krainu bolš tannaj elektraenierhijaj, — padkreśliŭ kiraŭnik dziaržavy. ‑‑ Našy apanienty sprabujuć zarabić palityčnyja dyvidendy, śpiekulujučy na radyjafobii častki biełaruskich hramadzian. Jany naŭmysna zamoŭčvajuć toje, što sučasnyja atamnyja elektrastancyi na niekalki paradkaŭ pierasiahajuć Čarnobylskuju AES pa ŭzroŭniu nadziejnaści. Pry hetym jany nanosiać značna mienšy ŭron navakolnamu asiarodździu, čym ciepłaelektrastancyi».

Pra toje, što vykarystańnie AES — sprava biaśpiečnaja i vyhadnaja, śviedčyć prykład Francyi, dzie bolš jak 80 pracentaŭ elektraenierhii zabiaśpiečvajuć mienavita atamnyja stancyi. Ciapier mnohija krainy — ZŠA, Vialikabrytanija, Hiermanija, Šviecyja, Japonija, Rasija, Kitaj — intensiŭna raźvivajuć jadziernuju enierhietyku, i Biełaruś nie moža adstavać ad suśvietnych tendencyj, ličyć Alaksandr Łukašenka.

Pra Venesuełu i Uha Čavesa

«Biełaruska-vieniesuelskija adnosiny - heta realny ŭkład u farmiravańnie šmatpalarnaha śvietu... Razam my ŭjaŭlajem siłu, nie ličycca ź jakoj nie mohuć navat zvyšdziaržavy», - skazaŭ jon.

Kiraŭnik dziaržavy adznačyŭ, što Biełaruś samastojna vybiraje siabroŭ-sajuźnikaŭ, nie pytajučysia parady amierykanskich "mudracoŭ". Naša kraina supracoŭničaje z Kitajem, Iranam, Vieniesuełaj i inšymi dziaržavami, čym vyklikaje razdražnieńnie ZŠA.

Biełaruś pačała dynamična supracoŭničać ź Vieniesuełaj i, vobrazna kažučy, "prasiekła akno" ŭ Paŭdniovuju Amieryku, atrymała dostup da vielmi bahatych naftavych resursaŭ, adkryła novy rynak dla svaich tavaraŭ i pasłuh, padkreśliŭ prezident. "My nabyli nadziejnaha palityčnaha sajuźnika ŭ asobie vieniesuelskaha lidera Uha Čaviesa", - dadaŭ Alaksandr Łukašenka.

Ab pradstaŭnictvie Eŭrakamisii

«Pierahavory ab stvareńni ŭ Biełarusi pradstaŭnictva Jeŭrapiejskaj kamisii znachodziacca ŭ zaviaršalnaj stadyi», -- skazaŭ Alaksandr Łukašenka, vystupajučy pierad studentami Biełaruskaha dziaržaŭnaha univiersiteta.

Pavodle jaho słoŭ, z takim pradstaŭnictvam Biełaruś źviazvaje asablivyja nadziei ŭ raźvićci ŭzajemavyhadnaha partniorstva ź Jeŭropaj.

Prezident taksama padkreśliŭ, što apošnim časam ruch na vosi Brusiel - Minsk značna aktyvizavaŭsia. Adbyłosia niekalki raundaŭ palityčnych kansultacyj pamiž Biełaruśsiu i ES, farmirujecca pramy dyjałoh u halinie enierhietyki, transpartu, tranzitu i ekałohii.

Alaksandr Łukašenka adznačyŭ, što siońnia isnuje realnaja ŭzajemnaja cikavaść Biełarusi i Jeŭrasajuza da raźvićcia sapraŭdy partniorskich adnosin va ŭsich halinach supracoŭnictva. "My zaŭsiody zychodzili z taho, što asnovaj takoha partniorstva pavinny być uzajemapavaha, raŭnapraŭje, ulik intaresaŭ adzin adnaho i nieŭmiašańnie va ŭnutranyja spravy, - skazaŭ Alaksandr Łukašenka. - Siońnia kolkaść prychilnikaŭ mienavita takoha prahmatyčnaha padychodu značna raście ŭ palityčnych i ekanamičnych kołach dziaržaŭ - členaŭ ES"

• 0
• 0
• 0
• 0
• 0
• 0
• 0
• 0