Stali viadomyja vyniki pieršaha paŭfinała muzyčnaha konkursu «Jeŭrabačańnie-2015». Konkurs prachodzić u Vienie.
U finał vyjšli (u takim paradku nazyvali krainy): Ałbanija, Armienija, Rasija, Rumynija, Vienhryja, Hrecyja, Estonija, Hruzija, Sierbija, Bielhija.
Usiaho ŭ pieršym paŭfinale ŭdzielničali 16 krain.
Takim čynam biełaruski duet Juzary i Majmuna nie zdoleli prabicca ŭ finał.
Nie prajšoŭ u finał i finski hurt Pertti Kurikan Nimipäivä — artysty ź sindromam Daŭna, jakim bukmiekiery addavali 6 miesca.
Druhi paŭfinał projdzie 21 maja.
U im vystupiać Litva, Irłandyja, San-Maryna, Čarnahoryja, Malta, Narviehija, Partuhalija, Čechija, Izrail, Łatvija, Azierbajdžan, Isłandyja, Šviejcaryja, Kipr, Słavienija, Polšča i Šviecyja.
Finał projdzie 23 maja (subota).
Akramia tych, chto staŭ lepšymi ŭ paŭfinałach, za pieršaje miesca buduć zmahacca muzyki Francyi, Vialikabrytanii, Hiermanii, Italii i Ispanii, a taksama Aŭstralija, što ŭpieršyniu (i, vidać, apošni raz) biare ŭdzieł u konkursie.
Pavodle prahnozaŭ bukmiekieraŭ samyja vysokija šancy vyjhrać piesienny konkurs u Šviecyi.
Biełaruś udzielničaje ŭ Jeŭrabačańni z 2004 hoda, u finałach vystupała čatyry razy: 2007 – Dźmitryj Kałdun (6-je miesca), 2010 – prajekt 3+2 (24-je miesca), 2013 – Alona Łanskaja (16-je miesca), 2014 — Tea (Juryj Vaščuk) — 16-je.
Ciapier čytajuć
«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami9
Kamientary