Studenty Ivana-Frankoŭskaha fizika-techničnaha liceja-internata na vypusknym kancercie vyjšli na scenu ź pieśniaj «Ja - banderaviec!». Videa z vystupu źjaviłasia na aficyjnym kanale navučalnaj ustanovy jašče dva tydni tamu, ale rasijskaja prapahanda zaŭvažyła jaho tolki ciapier.
Prakramloŭski partał Lifenews.ru adznačyŭ, što «mnohija karystalniki ŭ kamientarach niepachvalna adhuknulisia ab vybary muzyčnaha tvora». «Vučni Ivana-Frankoŭskaha liceja vyvučajuć podźvihi ŭkrainskich fašystaŭ i navat naviedvajuć miescy bajoŭ z savieckimi vojskami», — dadajecca ŭ artykule. Cikava, što rasijskija prapahandysty zamazali tvary navučencaŭ, bo «čyrvona-čornaje adździeńnie maładych ludziej simvalizuje kolery AUN-UPA, jakija ciapier vykarystoŭvaje «Pravy siektar».
