U pieršaj pałovie lipienia na pasiadžeńni prezidyuma Savieta ministraŭ budzie abmiarkoŭvacca efiektyŭnaść raboty padradnych arhanizacyj u budaŭnictvie, domabudaŭničych kambinataŭ i arhanizacyj pramysłovaści budmateryjałaŭ.
Sa spravazdačaj va ŭradzie vystupić ministr architektury i budaŭnictva, a taksama staršyni abłvykankamaŭ i Minharvykankama. Heta praduhledžana apublikavanaj na Nacyjanalnym pravavym internet-partale pastanovaj urada ad 3 červienia № 462, jakoj zaćvierdžany płan raboty Savieta ministraŭ i prezidyuma Saŭmina na druhoje paŭhodździe 2015 hoda.
Akramia taho, u lipieni dziaržaŭnyja orhany i pradpryjemstvy zrobiać spravazdaču pierad Saŭminam ab pryniatych mierach pa naroščvańni i dyviersifikacyi ekspartu za studzień—maj i «vynikach pracy słužbovych asob, zamacavanych za zamiežnymi krainami».
Razmova taksama pojdzie pra vykarystańnie miechanizmaŭ stymulavańnia ekspartu ŭ miežach ukazaŭ prezidenta № 466 «Ab niekatorych mierach pa realizacyi tavaraŭ, vyrablenych u Respublicy Biełaruś» i № 534 «Ab sadziejańni raźvićciu ekspartu tavaraŭ (rabot, pasłuh)».
Asobnym pytańniem u płanie raboty Saŭmina abaznačana spravazdača staršyni kancerna «Biełnaftachim» «ab pryniatych mierach pa skaračeńni zapasaŭ hatovaj pradukcyi, źnižeńni źniešniaj debitorskaj zapazyčanaści, rostu ekspartu i finansavaj ustojlivaści arhanizacyj kancerna».
U vieraśni ŭ centry ŭvahi ŭrada budzie situacyja, što składvajecca ŭ lohkaj pramysłovaści. U pryvatnaści, płanujecca abmierkavać madernizacyju AAT «Baranavickaje vytvorčaje bavaŭnianaje abjadnańnie» i raźvićcio chołdynha na bazie kampanii «Marka».
Taksama paviedamlajecca, što prajekty prahnozu sacyjalna-ekanamičnaha raźvićcia, asnoŭnych kirunkaŭ hrašova-kredytnaj palityki i respublikanskaha biudžetu na 2016 hod buduć uniesienyja va ŭrad da 11 žniŭnia, da 25 žniŭnia jany pavinny być razhledžanyja na pasiadžeńni Savieta ministraŭ.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja37
Kamientary