Usiaho patrochu2424

Letaŭ čakaŭ prychodu ŭ Kreml Łukašenki

Jahor Letaŭ byŭ pradstaŭnikom taho samaha volnadumnaha pakaleńnia, što aktyvizavałasia ŭ časy pastajannaj źmieny hiensiekaŭ. U tyja časy jaho ckavali kamsamolcy, za im vižavali hebisty, muzykant navat u varjatniu byŭ skiravany na musovaje lačeńnie razam ź inšymi antysavietčykami.

Pamierły ŭčora Jahor Letaŭ byŭ pradstaŭnikom taho samaha volnadumnaha pakaleńnia, što aktyvizavałasia ŭ časy pastajannaj źmieny hiensiekaŭ.

U tyja časy jaho ckavali kamsamolcy, za im vižavali hebisty, muzykant navat u varjatniu byŭ skiravany na musovaje lačeńnie razam ź inšymi antysavietčykami. Z svajoj siabroŭkaj Jankaj Dziahilevaj jon chavaŭsia ad orhanaŭ i, jak potym sam nieadnojčy pryznavaŭsia, žyŭ dzie pryjdziecca, a ŭ kramach dy na rynkach ciškom kraŭ pradukty.

Jak impieryja źnikła, aŭtar ci nie hałoŭnaha dvaravoha chita ŭsioj postsavieckaj prastory «Vsie idiot po płanu» razharnuŭ i hramadskuju dziejnaść. Vidać, paklikańnie takoje mieŭ — być viečnym apazicyjanieram. Mienavita jon stvaryŭ ruch pad nazvaj «Ruski praryŭ», kudy ŭvajšli takija adyjoznyja dziejačy, jak Limonaŭ, Anpiłaŭ dy Prachanaŭ. Nieadnojčy «Hraždanskaja oborona» vystupała na zaprašeńnie Nacyjanał‑balšavickaj partyi Eduarda Limonava.

Prychod u susiedniaj Biełarusi da ŭłady Alaksandra Łukašenki Letaŭ vitaŭ z usioj ułaścivaj jamu ščyraściu. Paśla minskich padziejaŭ 1996‑97 hadoŭ lider «Hraždanskaj oborony» nazvaŭ kiraŭnika Biełarusi «voinam słavianstva» i adzinym palitykam, jaki čahości varty. Letaŭ byŭ adnym z tych, chto bačyŭ mienavita Łukašenku kiraŭnikom usioj svajoj abstraktnaj impieryi. Časam u svaich razvažańniach jon zachodziŭ kudy dalej, čym samyja zaciatyja prychilniki biełaruskaha kiraŭnika.

‑ My padtrymlivajem Alaksandra Łukašenku, pryčym hatovy padtrymlivaść jaho ŭ tym liku i dziejańniem, i zbrojaj.

‑ A za kaho vy z rasijskich dziejačoŭ?

‑ Da prosta niama tut nikoha. Łukašenka pryjdzie da ŭłady ŭ Rasii i naviadzie paradak. Moža być i inšy, vajenny varyjant raźvićcia padziejaŭ, ale ŭ pieršym vypadku budzie bolš cyvilizavana.

Letava z kancertami nie puskali ŭ Estoniju i Łatviju, u Biełarusi taksama nieadnarazova prachodzili akcyi suprać kancertaŭ «HrOB». U 2003 hodzie, naprykład, biełaruskaje pradstaŭnictva Sajuza kamitetaŭ habrejaŭ byłoha Savieckaha Sajuzu źviarnułasia da Kamiteta pa spravach relihij i nacyjanalnaściaŭ, Prakuratury Biełarusi, KDB i Minkulta z patrabavańniem admianić vystupy «nieanacysckaj hrupy Jahora Letava».

Akcyju suprać pryjezdu Letava ŭ Minsk ładziŭ i «Małady front». Adzin z arhanizataraŭ taho pikietu Alaksiej Šein pachodzić z Hrodna i vychoŭvaŭsia zusim na inšaj muzycy:

>‑ U druhoj pałovie 80‑ch my słuchali polskija hurty, takija, jak «Lady Punk», amierykanski, aŭstralijski chard‑rok, a Letaŭ byŭ niedzie na zadvorkach. Tady jon pazicyjanavaŭ siabie, jak antykamunist, ale ž u ciapierašnija časy toje, što nios sam Letaŭ i jaho śpievy, było idejna absalutna razburalnym što dla biełarusaŭ.

U apošnija hady žyćcia Jahor Letaŭ niejak prycich, nie tak časta vystupaŭ. A z hady try tamu spyniŭ supracu z «limonaŭcami» dy adyšoŭ ad palityki. Ale žurnalisty jamu ŭsio adno zadavali tyja ž pytańni. «Nakont palityki Łukašenki skazać ničoha kankretnaha nie maju, bo śpiecyjalna nie cikaŭlusia», — skazaŭ jon niadaŭna ŭ adnym ź intervju.

Hałoŭny redaktar «Muzykalnoj haziety» Aleh Klimaŭ raić usim tym, chto nie padzialaŭ palityčnych pohladaŭ Letava zazirnuć u teksty «Hraždanskoj oborony»:

‑ Dla mianie jon pieradusim paet. Pačytajcie jaho teksty, znojdziecie tam inšaha Letava i budzie ŭsio zrazumieła adrazu. A toje, što jon mieŭ prarasijskija i «prafašysckija» pohlady, na maju dumku, źjaŭlajecca druhasnym. Treba bačyć u im najpierš paeta.

Adzinaja biełaruskaja kamanda, jakaja pieraśpiavała pieśniu Jahora Letava i ŭdzielničała ŭ trybjucie «Hraždanskoj oborony», — «Lapis Trubiackoj». Jaje lider Siarhiej Michałok niejak pryznaŭsia, što ŭ junackija hady zarablaŭ niakiepskija dyvidendy na pieśniach Letava, hrajučy ŭ pierachodach. Praz hady jon zaśpiavaje «Hosudarstvo», jakoje šmat chto ličyć adnoj ź lepšych pierapievak hetaha hurta.

Siarhiej Budkin, Radyjo Racyja

Kamientary24

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Dźmitryja Łukašenki nie było z baćkam i bratami na adznačeńni 3 Lipienia19

Dźmitryja Łukašenki nie było z baćkam i bratami na adznačeńni 3 Lipienia

Usie naviny →
Usie naviny

Muž Marharyty Laŭčuk byŭ paranieny na froncie5

Zialenski pazbaviŭ ukrainskaha hramadzianstva mitrapalita UPC Anufryja2

Na minskaj Kamaroŭcy ŭ dva razy patańnieli lisički

U Minsku zakładčyk padmanvaŭ narkašop: zamovy prymaŭ, ale narkotyki pakidaŭ sabie3

Pravakatar, jaki nakinuŭsia na Łatušku, dniami kryčaŭ «Hańba!» i Paźniaku10

Siarhiej Cichanoŭski raskazaŭ, za kaho b jon prahałasavaŭ na budučych prezidenckich vybarach63

Katavańnie pierfarataram. Minčanka sutyknułasia z «viečnym» ramontam u susiedziaŭ

«Apranuŭ samaje darahoje, što było». Vypusknik BDUIR pryjšoŭ na ŭručeńnie dypłoma ŭ daśpiechach i ź miačom VIDEA5

U Azierbajdžanie vyrašyli zakryvać ruskamoŭnyja škoły42

bolš čytanych navin
bolš łajkanych navin

Dźmitryja Łukašenki nie było z baćkam i bratami na adznačeńni 3 Lipienia19

Dźmitryja Łukašenki nie było z baćkam i bratami na adznačeńni 3 Lipienia

Hałoŭnaje
Usie naviny →

Zaŭvaha:

 

 

 

 

Zakryć Paviedamić