Sajt «Sputnik i pohrom» pierastaŭ adkryvacca, tłumačać prablemami na chostynhu
Raniej šerah hramadzian zaklikaŭ ułady zabłakavać dostup da hetaha šavinistyčnaha resursu, jaki zaklikaje da likvidacyi našaj dziaržavy.
U niadzielu spyniŭsia dostup ź Biełarusi da rasijskaha šavinistyčnaha sajta «Sputnik i pohrom». Na staroncy vydańnia ŭkantakcie niedastupnaść sajta tłumačać prablemami na chostynhu.
«Sputnik i pohrom» nie raz zaklikaŭ da likvidacyi dziaržavy Biełarusi. U pryvatnaści, hałoŭny redaktar vydańnia prapanoŭvaŭ akupavać Biełaruś «u bližejšyja hod-dva». Alaksandra Łukašenku vydańnie nazyvała «zdradnikam ruskaha naroda».
U suviazi z hetym u Biełarusi hučali zakliki da błakavańnia dostupu da hetaha resursu jak ekstremisckaha.
«Sputnik i pohrom» zavajavaŭ papularnaść siarod rasijskich šavinistaŭ svajoj navatarskaj formaj, źmiest jaho byŭ pry hetym kłasična čarnasocienskim.
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary