Biełaruskija ŭłady raźličvajuć na źnižeńnie inflacyi da adnaznačnych ličbaŭ u nastupnaj piacihodcy. Pavodle źviestak BiełaPAN, taki scenaryj raźvićcia padziej praduhledžvaje prahnoz na 2016—2020 hady, jaki ciapier rychtujuć ekanamičnyja ŭłady.
Pavodle raźlikaŭ uład, u 2016-m inflacyja źnizicca da 12%, u 2017-m — da 9%, u 2018-m — da 7%, u 2019-m — da 6% i ŭ 2020-m — da 5%.
Damahčysia źnižeńnia inflacyi ŭłady majuć namier za košt kiravańnia hrašovaj masaj. Prahnoznyja paramietry na 2016—2020 hady, jakija raspracoŭvajuć siońnia biełaruskija ŭłady, praduhledžvajuć, što rost hrašovaj masy budzie adpaviadać zadačy pa źnižeńni inflacyi.
Varta zaznačyć, što z pačatku 2015 hoda Nacbank Biełarusi ŭžo pierajšoŭ z metaj źnižeńnia inflacyi na režym manietarnaha tarhietavańnia, jaki praduhledžvaje abmiežavańnie rostu hrašovaj masy.
Pavodle prahnozaŭ Nacbanka, režym manietarnaha tarhietavańnia dazvolić sioleta ŭtrymać inflacyju ŭ płanavanym dyjapazonie (16—20%). Za studzień—maj inflacyja ŭ krainie skłała 6,5%.
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»12
Kamientary