Karystalniki Discord prymušali dziaciej zabivać siabie na kamieru
Palicyja raskryła hrupu ŭ Discord pad nazvaj «764», členy jakoj schilali dziaciej da samapaškodžańnia i navat samahubstva. Na partale jość niamała kanałaŭ, jakija raspaŭsiudžvajuć nadzvyčaj žorstki i hvałtoŭny kantent.
Pra heta piša vydańnie BILD.
Sietka Discord źjaviłasia ŭ 2015 hodzie jak čat-płatforma dla hiejmieraŭ. Heta zručnaje miesca dla hulniaŭ, znosin ź siabrami abo stvareńnia internacyjanalnych supolnaściaŭ. Siarod prykładna 200 miljonaŭ karystalnikaŭ — mnostva padletkaŭ i maładych ludziej.
Adnak razam ź biaskryŭdnym kantentam na siervierach Discord isnujuć i tak zvanyja gore-kanały, dzie raspaŭsiudžvajecca nadzvyčaj žorstki i hvałtoŭny kantent — sceny zabojstvaŭ, samapaškodžańnia i katavańniaŭ.
Termin «gore» aznačaje «zapiečanaja kroŭ», «prabadać, prakałóć rahami abo ikłami», «hłyboka prabić nažom».
Ekśpierty ŭžo daŭno źviartajuć uvahu, što na Discord znoŭ i znoŭ źjaŭlajucca parnahrafičnyja materyjały, niahledziačy na praviły abarony niepaŭnaletnich. Adnak toje, što adbyvajecca na tak zvanych gore-siervierach, pieraŭzychodzić usio heta.
Žurnalisty BILD ź pieršaj sproby znajšli siem takich kanałaŭ, nazvy padhrup jakich havorać sami za siabie: rasstreły (Shooting), nažavyja ranieńni (Stabbing), adsiačeńnie hałoŭ (Beheading), IDIŁ (ISIS), ahidnaje (Fire), kartel (Cartel), chvaroby (Disgusting), Disease, ekstremalnaje (Extreme).
U ich raźmiaščajucca adpaviednyja videa i fatahrafii. Adzin z karystalnikaŭ prasiŭ vykłaści videa, na jakim mužčyna adrazaje sabie ruki nažom. Na inšych siervierach sustrakajucca navat videa kanibalizmu. Asabliva časta pradstaŭleny hvałt suprać žančyn.
Siarod udzielnikaŭ adnoj z takich hrup — 19-hadovy amierykaniec Bredli Kadenchied, jaki stvaryŭ kanał «764» u 15 hadoŭ, i
20-hadovy hamburžac Šachryjar Dž. (psieŭdanim White Tiger), jaki, pavodle danych śledstva, prymusiŭ 13-hadovaha chłopčyka paviesicca na kamieru. Kadenchied užo asudžany na 80 hadoŭ, Šachryjar Dž. aryštavany i admaŭlaje vinu.
Paradoks u tym, što hetyja materyjały moža ŭbačyć luby karystalnik Discord, prosta dałučyŭšysia da adkrytaha sierviera.
«Płatformy nakštałt Discord pa sutnaści źjaŭlajucca pravavym vakuumam. Z adnaho boku, usio heta adbyvajecca adkryta, z druhoha — absalutna schavana», — skazała ŭ intervju BILD psichołah i dyrektarka arhanizacyi Innocence in Danger Julija fon Vajler.
Discord nie patrabuje paćviardžeńnia ŭzrostu pry rehistracyi, što dazvalaje niepaŭnaletnim atrymlivać dostup da zabaronienaha kantentu, prosta ŭkazaŭšy falšyvuju datu naradžeńnia. Da taho ž šmatlikija zabanienyja karystalniki lohka stvarajuć novyja akaŭnty i praciahvajuć publikavać hvałtoŭnyja materyjały.
Discord nie adkazaŭ na zapyt BILD. Julija fon Vajler dadała:
«Nieabchodna padumać pra sapraŭdnuju vieryfikacyju. Heta značyć, što my prybirajem ananimnaść u internecie. Tady realizavać svaje fantazii pra hvałt stanie značna ciažej. Za psieŭdanimam White Tiger užo nie schavaješsia — pravajdary buduć viedać tvajo sapraŭdnaje imia».
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary
Niadaŭna byli padobnyja naviny pra Bluesky, Mastodon, Twitter.
2. Jak jany płanujuć zabaranić toje, što ludzi mohuć padklučycca da inšaha sierviera, navat u inšaj jurysdykcyi?
A kali navat sam Discord prydumaje niešta, usio roŭna znojducca anałahi, jakija ludzi zmohuć zapuskać samastojna bieskantrolna.
3. "Heta značyć, što my prybirajem ananimnaść u internecie".
Ci razumiejuć jany, što akramia złačyncaŭ (prykłady ŭ artykule nasamreč žudasnyja) toj ža ananimnaści žadajuć hramadzianie niesvabodnych krain?
I zabaronu ananimnaści ŭ cyvilizavanych krainach radasna padtrymajuć tyrany?
I vsiehda eto tak i diełajetsia. Našli paru sotien otmorozkov, kotoryje byli i jesť viezdie.
A anonimnosti lišiť chotiat pod etu dudku milliony.
I samoje hłavnoje, ludi mohut poviestiś na eto.
Vsiehda ohraničienije prav vozmožno, jeśli chorošieńko napuhať ludiej snačała