Kiraŭnik urada Hiermanii Anhieła Mierkiel zaklikała jeŭrapiejcaŭ da hatoŭnaści iści na kampramis u składanych situacyjach.
Salidarnaść i adkaznaść u adnosinach pamiž krainami jeŭrazony — dva baki adnaho miedala, padkreśliła jana, vystupajučy ŭ Bierlinie na pasiadžeńni prezidyuma partyi CHDS.
«Kali zdolnaść da pošuku kampramisaŭ budzie zhublena, to zhublena budzie i Jeŭropa, — zajaviła Mierkiel. — Ahulnajeŭrapiejskaja valuta — bolš čym prosta valuta: jana hruntujecca na ŭsieahulnym daviery».
Mierkiel pa-raniejšamu adkrytaja dla dyjałohu z Afinami i hatova sustrecca z premjer-ministram Hrecyi Aleksisam Cyprasam, «kali jon hetaha choča», paviedamiŭ ahienctvu dpa aficyjny pradstaŭnik urada FRH Štefien Zajbiert.
«My zaŭsiody vystupali za toje, kab Hrecyja zastałasia ŭ jeŭrazonie», - padkreśliŭ Zajbiert, vykazaŭšy škadavańnie tym, što hreki ŭ adnabakovym paradku pierapynili pieramovy z kredytorami.
Kamientary