Кіраўнік урада Германіі Ангела Меркель заклікала еўрапейцаў да гатоўнасці ісці на кампраміс у складаных сітуацыях.
Салідарнасць і адказнасць у адносінах паміж краінамі еўразоны — два бакі аднаго медаля, падкрэсліла яна, выступаючы ў Берліне на пасяджэнні прэзідыума партыі ХДС.
«Калі здольнасць да пошуку кампрамісаў будзе згублена, то згублена будзе і Еўропа, — заявіла Меркель. — Агульнаеўрапейская валюта — больш чым проста валюта: яна грунтуецца на ўсеагульным даверы».
Меркель па-ранейшаму адкрытая для дыялогу з Афінамі і гатова сустрэцца з прэм'ер-міністрам Грэцыі Алексісам Цыпрасам, «калі ён гэтага хоча», паведаміў агенцтву dpa афіцыйны прадстаўнік урада ФРГ Штэфен Зайберт.
«Мы заўсёды выступалі за тое, каб Грэцыя засталася ў еўразоне», - падкрэсліў Зайберт, выказаўшы шкадаванне тым, што грэкі ў аднабаковым парадку перапынілі перамовы з крэдыторамі.
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах4
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1414
Каментары