Śledztva suprać vydaŭca biuleteniu «Bojki Kleck» raspačataje ŭ šosty raz.
Śledztva suprać vydaŭca biuleteniu «Bojki Kleck» raspačataje ŭ šosty raz.
Kleckaja prakuratura adnaviła dopyty miascovaha aktyvista apazycyi Siarhieja Panamarova. Pozvu jamu dastavili aryhinalnym čynam — pakinuli jaje ŭnočy ŭ płocie. «Mianie vyklikali na hutarku ŭ RUUS 18 lutaha, praŭda nie napisali ŭ jakaści kaho», — paviedamiŭ S. Panamaroŭ. Na dopyt jon nie źjaviŭsia i tady jamu prapanavali zavitać u milicyju pa telefonie. Nie dačakaŭšysia vydaŭca «Bojkaha Klecku», milicyjanty ŭviečary 19 lutaha pryjšli sami. «Ja ŭsio ž pahadziŭsia ŭ apošni raz napisać svaje tłumačeńni adnosna novaj spravy» — kaža sp. Panamaroŭ. Nahadajem, što ŭ pazaminułym hodzie ŭ miascovy žychar Dźmitry Kraŭcoŭ skraŭ u jaho parol dostupu ŭ Internet. Sud pryciahnuŭ Kraŭcova da kryminalnaj adkaznaści i abaviazaŭ viarnuć Panamarovu hrošy. Paźniej redaktar biuleteniu raźmiaściŭ u svaim vydańni hutarku z D. Kraŭcovym, dzie toj krasamoŭna, nie vybirajučy vyrazaŭ, apisvaje historyju svajho zatrymańnia.
«Toje «interviju» ja ŭziaŭ z adnaho z kleckich sajtaŭ, kab pakazać, što heta za čałaviek» — patłumačyŭ sp. Panamaroŭ. 2 žniŭnia 2007 h. maci Kraŭcova adniesła ŭ kleckuju milicyju zajavu nibyta pavodle abrazy ŭ drukavanym srodku. Była praviedzienaja pravierka, paśla jakoj klecki prakuror V.Karobka pastanaviŭ spynić spravu za adsutnaściu składu złačynstva. Adnak na pačatku studzienia biahučaha hodu namieśnica prakurora Valancina Labiedźka svaim rašeńniem admianiła pastanovu svajho načalnika i pastanaviła adnavić pravierku pa fakcie abrazy ŭ drukavanym srodku.
Siońnia S. Panamarova iznoŭ vyklikali ŭ RUUS nibyta dla ŭdakładnieńnia niekatorych detalaŭ napisanaj im učora tłumačanaj. Klecki aktyvist ad sustrečy admoviŭsia. Ciapier jon rychtuje čarhovy numar svajoj hazety.
Nahadajem, što na praciahu 2007 hodu ŭ dačynieńni da staršyni kleckaj supołki BNF i vydaŭca biuleteniu «Bojki Kleck» Siarhieja Panamarova piać razoŭ raspačynali i prypyniali kryminalnuju spravu pavodle č.2 art. 188 KK RB (paklop u drukavanych srodkach). Nahodaj dla zaviadzieńnia spravy stała natatka ŭ «Bojkim Klecku» pra kiraŭnika Kleckaj jurydyčnaj kansultacyi Natallu Siemaškievič. Dvojčy admysłovaja ekspertyza nie znachodziła parušeńniaŭ Kryminalnaha kodeksu i spravu prypyniali za adsutnaściu składu złačynstva.
Siamion Piečanko
Ciapier čytajuć
Staŭ hierojem Mahiloŭskaha ŭniviera, źbiraŭ falkłor, pracavaŭ na biełarusizacyju sadkoŭ — raskazvajem pra Jaŭhiena Bojku, asudžanaha za salidarnaść z palitviaźniami55
Kamientary