Alaksandr Łukašenka padpisaŭ šerah ukazaŭ ab stabilizacyi finansavaha stanovišča bujnych pramysłovych pradpryjemstvaŭ krainy.
Tak, pavodle ŭkaza №280, Minskamu traktarnamu zavodu dadziena prava ažyćciavić emisiju ablihacyj u abjomie, jaki nie pieravyšaje 150 młn dołaraŭ.
U toj ža čas pavodle ŭkaza № 282 Minski traktarny zavod atrymaŭ prava na rasterminoŭku da 22 kastryčnika 2015 hoda pa vypłacie ŭtvoranaj zavinavačanaści pa PDK u pamiery 59,5 młrd rubloŭ.
Pry hetym va ŭkazie skazana, što vyzvalenyja ŭ suviazi z davańniem rasterminoŭki srodki pavinny być nakiravanyja zavodam na papaŭnieńnie ŭłasnych abarotnych srodkaŭ.
Taksama Łukašenka padpisaŭ ukaz, pavodle jakoha dziaržpadtrymka akazvajecca jašče adnamu bujnomu mašynabudaŭničamu pradpryjemstvu — «Homsielmašu».
U adpaviednaści z ukazam № 281 Ministerstvu finansaŭ daručana vypuścić ablihacyi na sumu 425,8 młn dołaraŭ, jakija pavinny vykupić kamiercyjnyja banki. U adpaviednaści z ukazam udzielnikam chołdynhu «Homsielmaš» da 1 žniŭnia sa srodkaŭ respublikanskaha biudžetu, jakija pastupili ad raźmiaščeńnia pazykovych papier, pavinny być dadzieny biudžetnyja pazyki ŭ dołarach sa štokvartalnaj vypłataj pracentaŭ za karystańnie imi ŭ pamiery 7% hadavych.
Pavodle ŭkaza, viartańnie biudžetnych pazykaŭ budzie ažyćciaŭlacca z 1 lipienia 2016 hoda pa 30 červienia 2022 hoda štohod u sumach nie mienš jak 50 młn dołaraŭ (u 2016 hodzie — nie mienš jak 25 młn dołaraŭ).
Varta adznačyć, što akramia nazvanych dakumientaŭ Alaksandr Łukašenka taksama padpisaŭ ukaz № 284, jaki nosić napałovu sakretny charaktar i praduhledžvaje miery, skiravanyja na «stabilizacyju finansava-ekanamičnaha stanu asobnych pramysłovych arhanizacyj». Vosiem punktaŭ zhadanaha ŭkaza majuć hryf «dla słužbovaha karystańnia».
U adkrytym varyjancie nazvanaha ŭkaza ŭtrymlivajucca tolki miery, jakija praduhledžvajuć pavieličeńnie ŭnutranaha dziarždoŭhu Biełarusi na 9 trłn rubloŭ. Akramia hetaha, na 7 trłn rubloŭ, pavodle ŭkaza, płanujecca pavialičyć dziarždoŭh, harantavany ŭradam.
Kamientary