Pra heta paviedamlaje haradzienski sajt «Tvoj styl». Inicyjatarkaj stvareńnia prahramy stała doktar histaryčnych navuk Śviatłana Kul-Sialvierstava.
«Dla našaha rehijonu specyjalnaść «mieniedžmient transhraničnaha handlu» cikavaja i daŭno zapatrabavanaja. My majem padobnyja specyjalnaści — «mižnarodnyja adnosiny» i «mižnarodnyja ekanamičnyja adnosiny», ale ŭ handlovych adnosinach na miažy ŭvohule i na miažy pamiž byłymi savieckimi krainami i Eŭraźviazam u pryvatnaści jość peŭnaja specyfika», — raspaviała vydańniu Śviatłana Kul.
Padavać dakumenty ŭ mahistraturu mohuć abituryjenty z vyšejšaj abo niaskončanaj vyšejšaj adukacyjaj. Pryjom dakumentaŭ pačniecca 1 kastryčnika. Vykładańnie budzie vieścisia pa-rasiejsku, niekatoryja pradmiety buduć vykładacca pa-polsku i pa-anhielsku. Studentam abiacajuć niedarahi internat.
Paśla paśpiachovaha skančeńnia vypuskniki atrymajuć dyplom mahistra eŭrapiejskaha ŭzoru.
Śviatłana Kul-Sialvierstava raspaviała, što fakultet menedžmentu Biełastockaj palitechniki maje damovy z francuskimi i kitajskimi ŭniversytetami, u im dziejničajuć prahramy abmienu.
