Franak Viačorka prosić ministra adukacyi adnavić jaho ŭ VNU

Franak Viačorka, jaki adličany z 3‑ha kursa fakulteta žurnalistyki Biełdziaržuniviersiteta, prosić ministra adukacyi Alaksandra Radźkova adnavić jaho ŭ VNU. Adpaviednuju zajavu jon nakiravaŭ ministru adukacyi 25 lutaha, paviedamiŭ F.Viačorka BiełaPAN.

U zajavie F.Viačorka zaznačaje, što ŭ čas zdačy ekzamienaŭ ekzamienacyjnym kamisijam, jak jon ličyć, byŭ sur\jozna parušany punkt 1.1 Pałažeńnia ab kursavych ekzamienach i zalikach u vyšejšych navučalnych ustanovach. U pryvatnaści, heta vyraziłasia ŭ tym, što pytańni ekzamienacyjnaj kamisii pa stylistycy vychodzili daloka za miežy prahramy kursa «Stylistyka biełaruskaj movy» Michaiła Cikocaha, jaki vyvučajuć studenty fakulteta žurnalistyki BDU. Jak zaznačaje F.Viačorka, pradastaŭleny staršynioj kamisii test, pavodle pryznańnia samoha staršyni kamisii Viktara Iŭčankava, byŭ składzieny pa rabotach movaznaŭcaŭ Sałhanika i Supruna, što nie ŭklučany ŭ kurs «Stylistyka biełaruskaj movy».

«Pa ruskaj litaratury mnie byli zadadzieny pytańni ab tearetykach italjanskaha futuryzmu, ab fiłasofskich rabotach Šapienhaŭera, ab ab\jadnańni futurystaŭ i inšyja, što vychodziać za miežy prahramy kursa «Ruskaja litaratura siarebranaha stahodździa», raspracavanaha dacentam Hražynaj Paŭłoŭskaj. Na asnoŭnyja pytańni bileta ja daŭ razhornutyja adkazy», — havorycca ŭ zvarocie F.Viačorki da ministra .

«Na padstavie vyšejzhadanaha ja zajaŭlaju, što adznaki, vystaŭlenyja ad imia kamisij, byli zahadzia nieab\jektyŭnyja», — ličyć F.Viačorka.

Jak paviedamiŭ BiełaPAN F.Viačorka, heta zajava na imia ministra adukacyi A.Radźkova była napisana paśla kansultacyi z advakatam. Raniej F.Viačorka mieŭ namier padać isk u sud z patrabavańniem adnavić jaho na fakultecie žurnalistyki. «Adnak paśla parady advakata ja vyrašyŭ prajści ŭsie mahčymyja instancyi dla svajho dasudovaha adnaŭleńnia. Inakš, jak mnie skazali, moj isk prosta nie prymuć», — patłumačyŭ fakt padačy zajavy F.Viačorka.

Nahadajem, F.Viačorka byŭ aznajomleny z zahadam rektara ab adličeńni «za akademičnuju niepaśpiachovaść» 15 lutaha. Jon nazvaŭ svajo adličeńnie palityčna matyvavanym i źviazvaje jaho z naviedvańniem 12 lutaha fakulteta žurnalistyki prezidentam Biełarusi Alaksandram Łukašenkam. «U čas svajoj pramovy A.Łukašenka zajaviŭ, što ŚMI pavinny być padkantrolnyja dziaržavie, i, vidać, ja nie ŭpisaŭsia ŭ novuju kancepcyju vykładańnia na fakultecie», — skazaŭ F.Viačorka.

BiełaPAN

• 0
• 0
• 0
• 0
• 0
• 0
• 0
• 0