U ZŠA ŭpieršyniu abrali musulmanina ŭ Sienat. Raniej Tramp nazyvaŭ hetaha kandydata «džychadystam»
Abduł el-Sajed vyjhraŭ vybary ŭ respublikanca Majka Rodžersa.
Pradstaŭnik Demakratyčnaj partyi Abduł El-Sajed pieramoh na vybarach u Sienat ZŠA ad štata Mičyhan, abyšoŭšy respublikanca Majka Rodžersa. 42‑hadovy palityk stanie pieršym musulmaninam u historyi amierykanskaha Sienata, piša Bild.
Padčas pieradvybarčaj kampanii jaho nieadnarazova krytykavaŭ prezident Donald Tramp, jaki nazyvaŭ El-Sajeda «džychadystam». Paśla pieramohi palityk źviarnuŭsia da prezidenta:
«Donald, ja viedaju, što ŭ ciabie byli prablemy z maim imiem. Tamu paśla taho, jak Džej Dzi pryviadzie mianie da prysiahi ŭ studzieni, možaš prosta nazyvać mianie sienataram».
El-Sajed, jaki atrymaŭ adukacyju epidemijołaha i raniej uznačalvaŭ sistemu hramadskaj achovy zdaroŭja Detrojta, zrabiŭ staŭku ŭ svajoj kampanii na krytyku palityki Izraila ŭ siektary Haza i amierykanskaj vajennaj dapamohi izrailskim uładam.
U adnym ź pieradvybarčych videarolikaŭ jon źviazaŭ ekanamičnyja prablemy amierykancaŭ z vydatkami ZŠA na padtrymku Izraila. Jaho zajavy vyklikali abvinavačańni ŭ antysiemityźmie, u tym liku z boku častki demakrataŭ. Sam El-Sajed vystupaje za spynieńnie finansavańnia amierykanskimi padatkapłacielščykami vajennych apieracyj Izraila.
Pazicyja palityka adnosna Izraila vyklikała roznahałośsi i ŭnutry Demakratyčnaj partyi. Jaho byłaja supiernica na ŭnutrypartyjnych vybarach Chejli Styviens pierad hałasavańniem zaklikała padtrymać respublikanca Majka Rodžersa.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3030
Kamientary