Biełaruskuju delehacyju abakrali na junackaj Alimpijadzie, što ŭpieršyniu prachodzić u Afrycy
Padazravanaha znajšli ŭ ministerstvie.
Biełaruskaja delehacyja, jakaja pryjechała na junackija Alimpijskija hulni ŭ Sieniehał, zastałasia biez fotaaparata Nikon Z9 z abjektyvam, piša sieniehalskaje vydańnie SeneNews.
Zdareńnie adbyłosia ŭ hateli Pullman u Dakary, dzie spynilisia pradstaŭniki biełaruskaj delehacyi. 2 listapada jany źviarnulisia ŭ palicyju i paviedamili pra kradziež.
Pavodle vydańnia, kamiery nazirańnia zafiksavali, jak na parkoŭku hatela pryjechaŭ mužčyna na Toyota Land Cruiser. Jon skarystaŭsia niaŭvažlivaściu achoŭnikaŭ, uzłamaŭ pamiaškańnie dla zachoŭvańnia rečaŭ i zabraŭ fotaaparat.
Pošuki pryviali palicejskich u Ministerstva achovy zdaroŭja i hramadskaj hihijeny Sieniehała. Tam zatrymali kiroŭcu, jakoha padazrajuć u kradziažy.
Padčas dopytu jon nazvaŭ čałavieka, jakomu, pavodle śledstva, pieradaŭ skradzienaje. Druhoha padazravanaha znajšli na miascovym rynku. Jak udakładniaje Seneweb, fotaaparat vyjavili ŭ jahonaj kramie.
IV letnija junackija Alimpijskija hulni prachodziać u Sieniehale z 31 kastryčnika da 13 listapada — upieršyniu alimpijskija spabornictvy prymaje Afryka. Biełaruś pradstaŭlajuć siamiora spartsmienaŭ u šaści vidach sportu.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra2929
Kamientary