Siońnia startuje zbor podpisaŭ u padtrymku vyłučeńnia kandydataŭ u prezidenty Biełarusi

Siońnia startuje čarhovy etap vybarčaj kampanii — zbor podpisaŭ u padtrymku hramadzian, prapanavanych dla vyłučeńnia kandydatami ŭ prezidenty Respubliki Biełaruś. Dla rehistracyi kandydataŭ u prezidenty inicyjatyŭnym hrupam treba sabrać nie mienš jak 100 tysiač podpisaŭ. 

Padpisvacca ŭ padtrymku pretendentaŭ na pasadu prezidenta majuć prava asoby, što vałodajuć vybarčym pravam, — hramadzianie Respubliki Biełaruś, jakim spoŭniłasia 18 hadoŭ. Pry hetym adzin čałaviek moža padpisacca ŭ padtrymku niekalkich patencyjalnych kandydataŭ. 

Źviestki pra vybarščykaŭ unosiacca ŭ padpisnyja listy rukapisnym sposabam — jany mohuć zapaŭniacca jak samimi vybarščykami, tak i členami inicyjatyŭnych hrup, jakija źbirajuć podpisy. Ale vybarščyk pavinien ułasnaručna raśpisacca i ŭkazać u padpisnym liście datu podpisu. 

Akramia sieryi i numara pašparta vybarščyka ŭ padpisny list mohuć unosicca rekvizity vajennaha bileta (dla vajennasłužačych terminovaj słužby) i daviedki, vydadzienaj orhanami ŭnutranych spraŭ (dla hramadzian, jakija stracili pašpart). 

Pravodzić zbor podpisaŭ dazvolena z 8.00 da 22.00. 

Zbor podpisaŭ vybarščykaŭ moža pravodzicca ŭ formie pikietavańnia. Atrymlivać dazvoł na arhanizacyju pikieta nie patrabujecca, kali jon pravodzicca ŭ miescach, dazvolenych miascovymi ŭładami. Śpis miescaŭ, zabaronienych dla zboru podpisaŭ u formie pikietavańnia, vyznačany miascovymi ŭładami. 

Nahadajem, źbirać podpisy vybarščykaŭ buduć vosiem inicyjatyŭnych hrup, zarehistravanych Centrvybarkamam. Heta hrupy: 

Alaksandra Łukašenki — dziejnaha kiraŭniki dziaržavy; 

Siarhieja Kalakina — staršyni Biełaruskaj partyi levych «Spraviadlivy śviet»; 

Siarhieja Hajdukieviča — staršyni Libieralna-demakratyčnaj partyi; 

Taćciany Karatkievič — aktyvistki kampanii «Havary praŭdu», pradstaŭnika kaalicyi «Narodny refierendum»; 

Anatola Labiedźki — staršyni Abjadnanaj hramadzianskaj partyi; 

Viktara Ciareščanki — ekanamista, eks-kandydata ŭ prezidenty na vybarach 2010 hoda; 

Žanny Ramanoŭskaj — vykładčyka z Bresta, jakaja časova nie pracuje; 

Mikałaja Ułachoviča — staršyni Biełaruskaj patryjatyčnaj partyi, viarchoŭnaha atamana RHA «Biełaruskaje kazactva». 

Samaja šmatlikaja inicyjatyŭnaja hrupa — u Alaksandra Łukašenki (10,5 tys. čałaviek). Zatym iduć hrupy Siarhieja Hajdukieviča (2,5 tys. čałaviek), Taćciany Karatkievič (bolš za 1,9 tys.), Siarhieja Kalakina i Mikałaja Ułachoviča (prykładna 1,5 tys. u kožnaj hrupie), Anatola Labiedźki i Viktara Ciareščanki (prykładna tysiača čałaviek). U inicyjatyŭnaj hrupie Žanny Ramanoŭskaj, pra jakuju amal ničoha nieviadoma, — 109 čałaviek. 

Zbor podpisaŭ za vyłučeńnie kandydataŭ u prezidenty praciahniecca pa 21 žniŭnia ŭklučna. 

Piatyja vybary prezidenta Respubliki Biełaruś pryznačany na 11 kastryčnika.

• 0
• 0
• 0
• 0
• 0
• 0
• 0
• 0