Dachody ad biełaruskaha kaśmičnaha aparata skłali 48 młn dalaraŭ
Dachody za pieryjad stvareńnia i ekspłuatacyi Biełaruskaj kaśmičnaj sistemy dystancyjnaha zandavańnia Ziamli pa stanie na 15 lipienia 2015 hoda skłali 47,89 młn. dołaraŭ ZŠA, paviedamiła 22 lipienia pres-słužba Nacyjanalnaj akademii navuk z nahody treciaj hadaviny zapusku Biełaruskaha kaśmičnaha aparata.
Ajčynnym i zamiežnym spažyŭcam pieradadziena kaśmičnych zdymkaŭ na sumu 6,91 młn. dołaraŭ ZŠA, padatkovyja pastupleńni ŭ biudžet skłali 9,5 młn. dołaraŭ ZŠA.
«Biełaruskaja kaśmičnaja sistema dystancyjnaha zandavańnia Ziamli ŭstojliva pracuje pa svaim funkcyjanalnym pryznačeńni i zabiaśpiečvaje zacikaŭlenyja viedamstvy i arhanizacyi Biełarusi, a taksama zamiežnych zamoŭnikaŭ kaśmičnymi zdymkami ziamnoj pavierchni z prastoravym raspaznavańniem 2,1 mietra ŭ panchramatyčnym režymie (čorna-biełyja) i z raspaznavańniem 10,5 mietra ŭ multyśpiektralnym režymie (u čatyroch śpiektralnych dyjapazonach)», — zaznačajecca ŭ paviedamleńni.
Zaraz BKA ažyćciaŭlaje kaśmičnuju zdymku ŭ intaresach 21 arhanizacyi, jakaja znachodzicca ŭ padparadkavańni 11 ministerstvaŭ, a taksama kamiercyjnuju zdymku ŭ intaresach šerahu zamiežnych zamoŭnikaŭ. Za čas arbitalnaha palotu zroblena zdymka kala 54 młn. kvadratnych kiłamietraŭ ziamnoj pavierchni.
Z metaj raźvićcia Biełaruskaj kaśmičnaj sistemy dystancyjnaha zandavańnia Ziamli i pašyreńnia koła zadač, što vyrašajucca ź jaje dapamohaj, śpiecyjalisty NANB sumiesna z kalehami ź Fiederalnaha kaśmičnaha ahienctva Rasii prapracoŭvajuć varyjanty stvareńnia novaha spadarožnika z raspaznavańniem mienšym za adzin mietr.
Dla farmiravańnia i realizacyi dziaržaŭnaj palityki ŭ kaśmičnaj śfiery dziejnaści ŭ NANB pryniata rašeńnie ab stvareńni Ahienctva pa kaśmičnych daśledavańniach.
Pieršy zapusk spadarožnika z kasmadroma Bajkanur u Kazachstanie 26 lipienia 2006 hoda byŭ niaŭdałym z-za niaspraŭnaści rakiety-nośbita «Dniepr». Za zapuskam tady naziraŭ Alaksandr Łukašenka.
Stała viadoma, jak zatrymali byłoha kalinoŭca Maksima Ralko2
Kamientary