Minski taksist aryštavany za płakat «Navošta vybirać? Treba karanavać! Nie — vybaram!»
Stała viadoma, što taksista Mikałaja Łusto trymajuć u turmie na Akreścina. «Sudzić, vidać, buduć u paniadziełak», — apavioŭ tavaryš zatrymanaha Aleh Korban.
Mikałaja Łusto zatrymali 24 lipienia ŭ Minsku kala budynka Centravybarkama. Jon pryjšoŭ tudy z płakatam «Navošta vybirać? Treba karanavać! Nie — vybaram!»
Pierad pačatkam pikieta Mikałaj Łusto patłumačyŭ žurnalistam: «Svajoj akcyjaj chaču źviarnuć uvahu hramadskaści na toje, nakolki niedemakratyčna pravodziacca prezidenckija vybary ŭ Biełarusi. Hetaksama, jak niespraviadliva jany prachodziać i sioleta. Da prykładu, nie była zarehistravanaja kamanda Mikoły Statkieviča. Kali ŭłada stavić vybarcaŭ u padobnyja niaroŭnyja umovy, to nie patrebnyja vybary, a patrebnaja «karanacyja». Tym bolš, što «samadzieržac» zastajecca na svaim miescy, a «prync» padrastaje. Sutnaść majoj akcyi takaja. Pryśviačaju jaje Mikołu Statkieviču — papiaredniamu kandydatu ŭ prezidenty, jaki dahetul znachodzicca ŭ viaźnicy i źjaŭlajecca palityčnym viaźniem», — cytuje jaho radyjo «Svaboda».
Akcyja praciahvałasia mieniej za chvilinu. Da Mikałaja Łusto adrazu padyšoŭ achoŭnik i advioŭ aktyvista ŭ budynak CVK.
Łusto pracuje taksistam u Minsku. Jon aktyvist supołki moładzi «Alternatyva».
Ciapier čytajuć
«Ja jechała ad vajny i bambiožak»: Jaŭhienija Čarniaŭskaja pra pierajezd na Kipr5
Kamientary