Rasijskija bajkiery z kłuba «Načnyja vaŭki» znoŭ pryjeduć u Biełaruś — dla ŭdziełu ŭ motaprabiehu «Darohi Pieramohi. Na Sievastopal».
Jak paviedamlaje sajt kłuba, prabieh startuje 10 žniŭnia ź piaci haradoŭ (Bresta, Sankt-Pieciarburha, Kazani, Maskvy i Ałmaty) i zakončycca ŭ Sievastopali, dzie 21 žniŭnia adbudziecca XX Mižnarodnaje bajk-šou «Sievastopal. Kuźnia Pieramohi».
Jak raskazaŭ prezident adździaleńnia «Darohi Pieramohi» motakłuba «Načnyja vaŭki» Andrej Babroŭski, udzielniki jeŭrapiejskaj častki pačnuć źbiracca z 10.00 10 žniŭnia ŭ Breście, kala pahranpierachoda «Ciarespal», tam budzie prachodzić rehistracyja. Ranicaj 11 žniŭnia jany pajeduć cieraź Biełaruś u Aroł, a zatym u Rastoŭ-na-Donie, dzie źbiarucca razam piać kałon.
«Adtul rušym na Sievastopal. Našym jeŭrapiejskim siabram, jakija zachočuć dałučycca da našaha motaprabiehu «Darohi Pieramohi», my prapanujem prajechać da Paŭnočnaha Kaŭkaza, naviedać Čačniu, Inhušeciju, Kabardzina-Bałkaryju. U pasiołku Ciarskoł — heta Kabardzina-Bałkaryja, Pryelbruśsie — udzielniki prabiehu pierasiaduć z matacykłaŭ na funikulory i padymucca na Elbrus, dzie buduć ustalavanyja ściahi «Načnych vaŭkoŭ», «Ruskich matacyklistaŭ» i krain — udzielnic prabiehu», — skazaŭ Babroŭski.
U Krym kałona adpravicca cieraz Krasnadarski kraj. «Heta druhaja častka motaprabiehu dla tych jeŭrapiejcaŭ, chto zachoča dajechać da Sievastopala», — zaznačyŭ pradstaŭnik kłuba.
Nahadajem, u Breście sioleta niaŭdała zaviaršyŭsia inšy motaprabieh maskoŭskaha motakłuba — «Darohi Pieramohi», u miežach jakoha «Načnyja vaŭki» płanavali z 25 krasavika pa 9 maja prajechać z Maskvy ŭ Bierlin cieraź Minsk, Brest, Vrocłaŭ, Brno, Bracisłavu, Vienu, Prahu, Miunchien i inšyja jeŭrapiejskija harady.
Płany rasijskich bajkieraŭ vyklikali niehatyŭnuju reakcyju ŭ krainach, jakija jany mieli namier naviedać, MZS Polščy admoviła hrupie rasijskich matacyklistaŭ va ŭjeździe. 27 krasavika «Načnych vaŭkoŭ» nie puścili na terytoryju Polščy, a kiraŭniku hrupy Andreju Babroŭskamu anulavali vizu. 28 krasavika prajekt «Darohi Pieramohi. Na Bierlin» byŭ faktyčna zhornuty.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
Ciapier čytajuć
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary