Pra heta kiraŭnik Adeskaj abłasnoj administracyi Michaił Saakašvili napisaŭ u svaim fejsbuku.
«U apošnija dni da nas u Adesu pryjazdžaje šmat vysokapastaŭlenych zamiežnych delehacyj. U liku inšych, ja prymaŭ polskuju ŭradavuju delehacyju, staršyniu parłamienta Litvy Hražyniecie Łaretu i ministra zamiežnych spraŭ Litvy Linasa Linkiavičusa, upieršyniu ŭ Adesu z aficyjnym vizitam prybyŭ ministr zamiežnych spraŭ biełarus Uładzimir Makiej. Razam ź ministrami zamiežnych spraŭ biełarusaŭ i Litvy my adkryli novy centr šampanskich vinaŭ u Šabo. Na hetym vielmi sučasnym pradpryjemstvie pracuje bolš za 1000 žycharoŭ ukrainskaj Biesarabii. U hetym hodzie kolkaść naviedvalnikaŭ amal patroiłasia. U čas naviedvańnia my sustreli šmat biełarusaŭ i navat dvuch litoŭcaŭ, tak što prysutnaść kiraŭnikoŭ źniešniepalityčnych viedamstvaŭ hetych dźviuch krain budzie spryjać dalejšaj papularyzacyi Adesčyny ŭ maštabach usiaho rehijona», — napisaŭ eks-prezident Hruzii.
Nahadajem, što ministr zamiežnych spraŭ Biełarusi Uładzimir Makiej znachodzicca z aficyjnym vizitam va Ukrainie z 12 pa 16 žniŭnia. Jon sustrakaŭsia ŭ Kijevie ź ministram zamiežnych spraŭ Ukrainy Paŭłam Klimkinym, prezidentam Piatrom Parašenkam, u Adesie ź Michaiłam Saakašvili, ministram zamiežnych spraŭ Litvy Linasam Linkviavičusam (u sustrečy brazŭ udzieł i Paŭło Klimkin).
Ciapier čytajuć
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1616
Kamientary