U Biełarusi admianiajecca kvatavańnie impartu ałkaholnaj, niecharčovaj śpirtaźmiaščalnaj pradukcyi i niecharčovaha etyłavaha śpirtu. Takaja norma ŭstanoŭlena dekretam prezidenta numar 3 «Ab niekatorych pytańniach dziaržaŭnaha rehulavańnia vytvorčaści, abarotu i rekłamy piva, ałkaholnaj pradukcyi i tytuniovych vyrabaŭ», paviedamili BIEŁTA u pres‑słužbie kiraŭnika dziaržavy.
U suviazi sa źniaćciem hetych abmiežavańniaŭ, a taksama ŭ metach abarony ekanamičnych intaresaŭ krainy, zachavańnia kantrolu za impartnymi patokami ałkaholnaj pradukcyi jaje impart budzie ažyćciaŭlacca šlacham praviadzieńnia konkursaŭ na vyznačeńnie jurydyčnych asob, što zabiaśpiečvajuć uvoz pradukcyi na najbolš vyhadnych umovach. Arhanizacyjaj konkursaŭ i vyznačeńniem pieramožcaŭ budzie zajmacca pastajanna dziejučaja mižviedamasnaja kamisija.
Dekretam ustanoŭlena, što prava na vytvorčaść kańjaku, brendzi, kańjačnych napitkaŭ u Biełarusi majuć tolki dziaržaŭnyja jurydyčnyja asoby abo niedziaržaŭnyja jurydyčnyja asoby z dolaj dziaržavy ŭ statutnym fondzie bolš za 30 pracentaŭ. Pry hetym śpiecyjalnyja dazvoły (licenzii) na vytvorčaść kańjakoŭ, brendzi i kańjanych napitkaŭ, raniej vydadzienyja jurydyčnym asobam, buduć sapraŭdnyja da 1 vieraśnia 2008 hoda.
Dekretam taksama zamacavany najbolš aptymalny padychod da rekłamy. Tak, dazvolena vykarystoŭvać vobrazy ludziej abo žyvioł u zarehistravanych tavarnych znakach, što prymianiajucca dla abaznačeńnia ałkaholnych napitkaŭ i (abo) piva. Dazvolena taksama lubaja rekłama piva, jakaja źmiaščaje vyklučna infarmacyju ab vytvorcach piva, u tym liku ich naźvie i tavarnych znakach (h.zn. rekłama piva ŭ vyhladzie vyjavy tolki samoha brenda), za vyklučeńniem raźmiaščeńnia takoj rekłamy ŭ budynkach arhanizacyj adukacyi i achovy zdaroŭja.
Dla stymulavańnia ekspartu ałkaholnych napitkaŭ admianiajecca markiroŭka supravadžalnych dakumientaŭ pry vyvazie (eksparcie) hetych napitkaŭ. Taksama nie padlahajuć markiroŭcy akcyznymi markami śpirtaźmiaščalnyja pradukty, što ŭvoziacca ŭ jakaści ŭzoraŭ dla papiarednich siertyfikacyjnych vyprabavańniaŭ, u kolkaści nie bolš za 5000 kub. santymietraŭ adnosna kožnaha ŭzoru.
Zychodziačy ź isnujučaj praktyki, udakładniajucca padychody da zaćviardžeńnia ŭzoraŭ akcyznych i śpiecyjalnych marak, a taksama paradak ich vyrabu, realizacyi, uliku, zachoŭvańnia, kantrolu za vykarystańniem hetych marak, jakija padraździalajucca ŭ zaležnaści ad ich pryznačeńnia. Hetyja funkcyi ŭskładzieny na ŭrad.
Pałažeńni dekreta pryvodziać zakanadaŭstva krainy ŭ adpaviednaść ź jaje mižnarodnymi abaviazacielstvami i adnačasova zachoŭvajuć naležny dziaržaŭny kantrol za vytvorčaściu i abarotam śpirtaźmiaščalnaj pradukcyi, uklučajučy jaje ŭvoz u respubliku.
Kamientary