Sieviaryniec zaklikaje Kalakina, Karatkievič i Labiedźku źniacca z vybaraŭ
19 žniŭnia ŭ siadzibie partyi BNF prajšoŭ kruhły stoł pad nazvaj «Spynić represii suprać biełaruskaj moładzi». Nahodaj dla jaho stała kryminalnaja sprava suprać hraficistaŭ, abvinavačańni na adras «Maładoha frontu» ŭ padtrymcy kanałaŭ viarboŭki biełaruskaj moładzi va Ukrainu, a taksama pieraśled futbolnych fanataŭ, jakija pravodziać hramadskija akcyi nacyjanalnaha napramku.
Udzieł u kruhłym stale brali aktyvisty «Maładoha frontu», «Alternatyvy», Abjadnanaj hramadzianskaj partyi, Biełaruskaj chryścijanskaj demakratyi, «Maładoj Biełarusi».
Sustaršynia BCHD Pavieł Sieviaryniec adznačyŭ, što padčas pieradvybarčaj kampanii źjaŭlajucca novyja palitviaźni, i robicca heta dziela nahniatańnia strachu siarod moładzi.
Sieviaryniec prapanavaŭ źviarnucca da demakratyčnych pretendentaŭ na prezidenckuju pasadu — Taćciany Karatkievič, Siarhieja Kalakina i Anatola Labiedźki. Jon prapanuje im źniacca z vybaraŭ, kali da apošniaha dnia zboru podpisaŭ, viečara 21 žniŭnia nie buduć vyzvalenyja palitviaźni.
Kamientary