24 žniŭnia va ŭkrainskim Zaparožžy na płoščy Hierojaŭ, la ścien abłasnoj administracyi, uračysta adkryli pomnik ruskamoŭnamu śniehiru. Jak napisana pad pastamientam «Hety pomnik uźviedzieny ŭ znak žałoby «ruskaha śvietu» pa złačynna zabitych «žydabanderaŭcami» ruskamoŭnych śniehirach».
Sam pomnik ujaŭlaje ź siabie istotu, jakaja nahadvaje harhulju z tvaram, vielmi padobnym da Uładzimira Pucina. Istota trymaje ŭ rukach śniehira.
Ideja stvareńnia pomnika pryjšła ŭ hałavu zaparožcu Maksimu Draździenku, jaki z dapamohaj skulptara ŭvasobiŭ jaje ŭ žyćcio. Pa słovach stvaralnika skulptury, ideja źjaviłasia paśla zajavy sieparatysta z Zaparožža Uładzimira Rohava pra źniščeńnie ŭ horadzie śniehiroŭ za afarboŭku, jakaja nahadvaje kolery rasijskaha ściaha.
Pomnik zrobleny z šamotnaj hliny, pamier kala 50 na 50 sm, a važyć kala 15 kh. Skulptura karystajecca vialikim popytam u miascovaha nasielnictva — ludzi masava fatahrafujucca la jaje i dzielacca zdymkami ŭ Internecie.
Podpis zrobleny darevalucyjnym pravapisam
