Upraŭleńnie Śledčaha kamiteta pa Minskaj vobłaści pravodzić pravierku pa fakcie hibieli 16-hadovaj dziaŭčyny i 3-hadovaha chłopčyka na vadaschoviščy kala vioski Smaličy Kapylskaha rajona. Trahiedyja adbyłasia 25 žniŭnia.
sk.gov.by
Padčas adpačynku chłopčyk siadzieŭ na nadzimanym matracy, jaki častkova znachodziŭsia ŭ vadzie. U niejki momant paryvam vietru matrac adniesła ad bieraha. Zaŭvažyŭšy heta, 16-hadovaja dziaŭčynka papłyła śledam za matracam. Apynuŭšysia na adlehłaści kala 30 m ad bieraha, jana nie zmahła ŭtrymać dzicia, i jany abodva pahruzilisia pad vadu. Z pryčyny taho, što maci (jany — rodnyja siostry) patanułych dziaciej nie ŭmieli płavać i nie mieli z saboj vyratavalnych srodkaŭ, jany nie zmahli akazać im naležnaj dapamohi. U vyniku pošukavych mierapryjemstvaŭ cieła dziaŭčyny z vady dastali vadałazy-ratavalniki.
Prymajucca ŭsie miery dla vyjaŭleńnia cieła chłopčyka.
Śledča-apieratyŭnaja hrupa praciahvaje pracavać na miescy zdareńnia. Apytvajucca baćki, vidavočcy, pryznačanyja sudova-miedycynskija daśledavańni, vyśviatlajucca abstaviny trahiedyi.
Śledčyja čarhovy raz źviartajucca da ŭsich baćkoŭ, zakonnych pradstaŭnikoŭ z prośbaj nie pakidać biez nahladu dziaciej na vadajomach, u tym liku bieź śpiecyjalnych vyratavalnych srodkaŭ. Nie ryzykujcie žyćciom svaich dziaciej, — havorycca ŭ paviedamleńni SK.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary