Były pasłańnik Vatykana ŭ Daminikanskaj respublicy Jozef Viesałoŭski, abvinavačany ŭ hvałcie nad dziećmi i pazbaŭleny sanu, pamior u noč na piatnicu pierad pačatkam sudovaha pracesu pa jahonaj spravie.
67-hadovy Viesałoŭski raniej adčuvaŭ prablemy sa zdaroŭjem, z-za jakich u lipieni sud nad im byŭ pieraniesieny.
Arcybiskupa adklikali z pasady nuncyja ŭ minułym hodzie paśla paviedamleńniaŭ ŚMI pra toje, što jon ździajśniaŭ hvałt u dačynieńni da chłopčykaŭ-padletkaŭ u Daminikanskaj Respublicy.
Da hetaha času Viesałoŭski adpracavaŭ u Santa-Daminha bolš za piać hadoŭ.
Papa Rymski Francišak aktyŭna zaklikaŭ katalickuju carkvu da rašučych dziejańniaŭ pa vykaranieńni piedafilii siarod śviataroŭ va ŭsim śviecie i pakarańniu usich vinavatych.
U minułym hodzie papa Francišak paraŭnaŭ ŭčynki takich ludziej z sataninskaj imšoj. Jon taksama damohsia pryniaćcia Vatykanam bolš strohich zakonaŭ u dačynieńni da takich złačynstvaŭ.
Kamientary