U prahnozie, jaki byŭ padrychtavany inviestycyjnym bankam Goldman Sachs, havorycca, što ceny na naftu mohuć abrynucca da 20 dalaraŭ za baral u 2016 hodzie.
Na dumku ekśpiertaŭ Goldman Sachs, padzieńnie cenaŭ na naftu budzie vyklikana naftavym liškam. Z-za hetaha bank pahoršyŭ svaje prahnozy pa canie na naftu Brent i WTI na 2016 hod. Akramia taho, padzieńnie cenaŭ moža adbycca na fonie čakańnia taho, što naftavy lišak źjavicca z-za zdabyčy krain — členaŭ APIEK i «ełastyčnaj» zdabyčy inšych naftazdabyvajučych krain, a taksama zapavoleńnia tempaŭ spažyvańnia.
Jak adznačajuć u Goldman, hety scenar nie źjaŭlajecca bazavym na 2016 hod.
«Naftavy rynak pierahružany bolš, čym my čakali. Ciapier my čakajem zachavańnia liškaŭ i na 2016 hod», — piša ŭ spravazdačy analityk banka Demian Kurvalin.
Ekśpierty panizili prahnozy pa canie na naftu WTI da 45 dalaraŭ za baral u 2016 (u mai jany čakali canu ŭ 57 dalaraŭ). Taksama bank źniziŭ canu i na Brent — da 49,5 dalara za barel (raniej prahnoz byŭ na ŭzroŭni 62 dalaraŭ).
Na hetym tydni ŭrad Rasii zakłaŭ u prajekt biudžetu na 2016 hod canu na naftu ŭ pamiery 50 dalaraŭ za baral. U prajekt biudžetu zaŭsiody zakładvajecca cana na naftu Urals, košt jakoj aryjentujecca na Brent minus niekalki dalaraŭ.
Pad kantrolem krain — členaŭ APIEK znachodzicca 40% usich suśvietnych zapasaŭ nafty. U dzień dziaržavy vypuskajucć pa kvocie prykładna 30 miljonaŭ baralaŭ nafty.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam11
Kamientary