Apublikavanyja intymnyja foty chakieista Jaramira Jahra
U internecie źjaviłasia fota Jaramira Jahra ź siabroŭkaj. Češski partał Blesk nieŭzabavie apublikavaŭ historyju fatahrafii.
Spadarožnicaj Jahra akazałasia 18-hadovaja słavackaja madel pa imieni Kaciaryna, jakaja da taho ž sustrakajecca z chakieistam maładziožnaj zbornaj Daminikam Rudlem. Pavodle infarmacyi Blesk, dziaŭčyna pachvaliłasia hetym sełfi siabram, i niechta ź ich vyrašyŭ, što vymahać u lehiendarnaha chakieista hrošy stanie vydatnaj idejaj.
Hety nieviadomy siabar madeli zapatrabavaŭ u Jahra 50 tysiač kron (kala dźviuch tysiač dalaraŭ).
Što adkazaŭ Jahr? «Dy mnie pofih», — paśla čaho fota i źjaviłasia ŭ sietcy.
Dziaŭčyna paźniej vykazałasia pa incydencie, svajo dačynieńnie ŭ publikacyi jana admaŭlaje.
Sam Jahr na svajoj staroncy ŭ fejsbuku namiaknuŭ, što historyja pra šantaž jak minimum zbolšaha praŭdzivaja. «A voś jašče adno majo fota:). Za jaho čamuści hrošy nichto nie patrabavaŭ:), i ŭsio ž ja tut kruta vyhladaju. Ja ŭžo pra ŭsio zabyŭsia, viedaju tolki, što heta zamiežnik. Naohuł nichto nie razumieje, što adbyvajecca, usio narmalna:)» — napisaŭ Jahr.
Ciapier čytajuć
Mielnikava rychtavała svajo źniknieńnie i manipulavała atačeńniem. Pakul niajasna, ci dziejničała jana pa kamandzie ź Minska48
Kamientary