Biełaruski dyryžor, zvolnieny z Adeskaj opiery, nie zmoh u sudzie abaranić svaju reputacyju. Sud staŭ na bok teatra
Sudovy praces ciahnuŭsia z 2023 hoda.
Prymorski rajonny sud Adesy admoviŭ viadomamu biełaruskamu dyryžoru Viačasłavu Čarnuchu-Voliču ŭ zadavalnieńni jaho pazovu da Adeskaha nacyjanalnaha teatra opiery i baleta z patrabavańniem abviaržeńnia iłžyvaj infarmacyi, jakaja, na jaho dumku, źnievažaje jaho honar, hodnaść i dziełavuju reputacyju, piša Radyjo Svaboda.
Jak adznačajecca ŭ sudovym rašeńni, jakoje maje ŭ rasparadžeńni «Svaboda», sud pryznaŭ: źmiest infarmacyi, raspaŭsiudžanaj teatram ab zvalnieńni biełaruskaha dyryžora, «nie źjaŭlajecca iłžyvaj infarmacyjaj, jakaja padlahaje sudovaj abaronie praz abviaržeńnie».
Viačasłaŭ Čarnucha-Volič moža abskardzić hetaje rašeńnie suda pieršaj instancyi da 2 žniŭnia.
Viačasłaŭ Čarnucha-Volič byŭ zvolnieny ŭ krasaviku 2023 hoda z Adeskaha nacyjanalnaha akademičnaha teatra opiery i baleta za fota z dyrektaram bakinskaj opiery Jusifam Ejvazavym — mužam rasijskaj opiernaj śpiavački Hanny Niatrebka, jakaja była davieranaj asobaj Uładzimira Pucina na raniejšych vybarach, atrymlivała ad jaho ŭznaharody, fatahrafavałasia sa ściaham tak zvanaj «Navarasii» razam z adnym z kiraŭnikoŭ prarasijskaj administracyi na akupavanaj častcy Danieckaj vobłaści. Va Ukrainie suprać jaje byli ŭviedzieny sankcyi.
Viačasłaŭ Čarnucha-Volič pierajechaŭ u Adesu paśla zvalnieńnia ź biełaruskaha opiernaha teatra za padtrymku mirnych pratestaŭ. Paśla zvalnieńnia z Adeskaj opiery jon pracavaŭ u Kišyniovie, u teatry opiery.
Ciapier čytajuć
Što Babaryka i Kaleśnikava adkazali na pytańni pra vajnu88
Kamientary
Z adkrytych džerał ministry sudźji ...žonki baćki braty hramadzianie rf majut majemaść padatki płaciat
A voś dzieryžor z rBiełaruś za vypadkovy zdymak adkaže
Ci dvie žančyny paštarki jakija 2 miesiacy adpracavali paštarkami " pad akupacyjej" kałabrantki 5 i 7 hod
600 młn hr(15 młn$) kampiensacyi bratu namadministracyi ofisa prezidzienta Ukrainy na akupavanych I šo?))).Drobiaź ale pryjemna))