Klip vykładzieny siońnia, 24 vieraśnia, na aficyjnym kanale ŭkrainskaha hurtu na Youtube.
Žanr videa možna vyznačyć jak spałučeńnie dvuch farmataŭ — karotkamietražnaha filma i sacyjalnaj rekłamy.
Lidar OJE Śviatasłaŭ Vakarčuk adznačaje, što «pry abmierkavańni mnie ŭ hałavu pryjšła takaja kłasičnaja paraŭnalnaja karcina miž tym, jak pavodziać siabie ludzi starejšaha ŭzrostu va Ukrainie i ludzi takoha ž ŭzrostu ŭ zachodnim śviecie. U nas niezaležna ad sacyjalnaha statusu, materyjalnaha dastatku, pažyłyja ludzi pačuvajucca bolš zadušanymi, čym na Zachadzie, ci, naprykład, u Indyi, dzie ŭzrovień žyćcia časam značna nižejšy, čym u nas. Takim čynam, sprava nie stolki i nie tolki ŭ dabrabycie, materyjalnym zabiaśpiačeńni, a ŭ bolš adkrytym, ščyrym staŭleńni da žyćcia, a taksama da takich bazavych kaštoŭnaściej, jak asabistaja ŭnutranaja svaboda i ŭzajemapavaha niezaležna ad uzrostu, statusu i pohladaŭ.
Hetym našym videa chaciełasia pakazać, što niezaležna ad taho, jak składvajucca abstaviny — u kožnaha asabista, u hramadstvie ŭ cełym, — jość padstava nad čym zadumacca, što ŭspomnić, praanalizavać i niama nijakich padstaŭ ničoha nie rabić. Bo, na maju dumku, ščaślivymi stanoviacca tyja, chto ni pry jakich abstavinach nie apuskaje ruki».
Darečy sioleta kancertaŭ OJE, u tym liku va Ukrainie, nie płanujecca, hurt pracuje nad novym albomam.
Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB6
Kamientary