Foreign Policy: Pucin padrazaje Łukašenku kryły avijabazaj u Biełarusi
Pad takim zahałoŭkam amerykanski časopis Foreign Policy źmiaściŭ artykuł pra rašeńnie Kramla ŭstalavać rasiejskuju avijabazu na terytoryi Biełarusi.
U pryvatnaści, časopis adznačaje:
«Aŭtarytarny prezydent Biełarusi Alaksandr Łukašenka za 20 hadoŭ znachodžańnia va ŭładzie zrabiŭ sabie reputacyju hulca na supiarečnaściach pamiž Maskvoj i Bruselem, jaki ŭvieś čas atrymlivaje finansavuju dapamohu i palityčnaje prykryćcio. Adnak paśla rašeńnia Rasiei pabudavać avijabazu ŭ Biełarusi dni łukašenkavaha laviravańnia pamiž Rasiejaj i Zachadam i vybivańnia vyhady ad abodvuch bakoŭ mohuć skončycca.
Rašeńnie pabudavać bazu, jakaja budzie blizka ad miažy ź Litvoj, udzielnicaj NATO, było abvieščana ŭ minułyja vychodnyja i prypała na čas, u jakim prezydent Rasiei Ŭładzimir Pucin sprabuje viarnuć stračanyja status vialikaj dziaržavy dla svajoj krainy i adnavić jaje vajskovy patencyjał za miažoj. Dla Biełarusi plany pa stvareńni bazy prypali na asabliva napružany peryjad adnosin pamiž Mienskam i Maskvoj, vyklikany rasiejskaj aneksijaj Krymu i vajnoj va Ŭkrainie.
Bajučysia svajho ŭschodniaha susieda, biełaruski lider u kancy 2014 hodu pajšoŭ na biesprecedentnaje adchileńnie ad palityki Maskvy, pahražajučy vyjści z Eŭrazijskaha sajuzu i prymajučy novuju vajskovuju daktrynu, jakaja praduhledžvaje pahrozu z boku «zialonych čałaviečkaŭ», nakštałt tych, jakija źjavilisia ŭ Krymie da taho, jak paŭvostraŭ staŭ častkaj Rasii. Biełaruś taksama pasprabavała adnavić adnosiny z Eŭraźviazam, što, jak paviedamiła ahienctva Rojters 17 vieraśnia, maje pryvieści da pasłableńnia ekanamičnych sankcyj suprać Miensku.
Ale pabudova vajskovaj avijabazy pakazvaje, što Pucin žadaje zachavać niepradkazalnaha Łukašenku ŭ arbicie Kramla i paźbiehčy źbližeńnia pamiž Biełaruśsiu i Zachadam».
Foreign Policy taksama cytuje mierkavańni zachodnich ekspertaŭ, Daraha MakDaŭeła i Endru Ŭiłsana, jakija ličać, što stvareńnie rasiejskaj bazy ŭ Biełarusi pazbavić Łukašenku mahčymaści pa-raniejšamu hulać na supiarečnaściach pamiž Maskvoj i Zachadam.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary