Jak pajechać u ekzatyčnaje padarožža i nie zachvareć?

Hieahrafija virusaŭ

Zhodna z danymi SAAZ, epidemijałahičnaja situacyja ŭ śviecie pa asobnych infiekcyjach, takich jak chalera, čuma, kantahijoznyja virusnyja hiemarahičnyja lichamanki Eboła, Łasa, Marburh, lichamanka daliny Ryft, žoŭtaja lichamanka, chvaroba, vyklikanaja virusam blizkaŭschodniaha reśpiratornaha sindromu, vospa małpaŭ, zastajecca napružanaj.

U asnoŭnym hetyja zachvorvańni rehistrujucca ŭ krainach Afryki, Paŭdniova-Uschodniaj Azii, Paŭdniovaj Amieryki. Adnak z pašyreńniem turystyčnych maršrutaŭ rehistrujucca zavaznyja vypadki i na jeŭrapiejskim kantyniencie.

Z ekzatyčnych krain, jakija prymajuć turystaŭ kruhły hod, a heta Tajłand, Šry-Łanka, Indaniezija, Indyja, Maldzyvy, Daminikana, možna pryvieźci zachvorvańni, jakija pieradajucca praz ukusy nasiakomych: lichamanku Denhie i lichamanku Zachodniaha Niła. Taksama ŭ hetych krainach, asabliva ŭ Indyi i na Haici, sustrakajecca chalera — kišečnaje zachvorvańnie, jakoje pryvodzić da poŭnaha abiazvodžvańnia arhanizmu.

Što ž pryvoziać biełarusy z dalokich krain? Jak raskazaŭ prafiesar kafiedry infiekcyjnych chvarob Biełaruskaha dziaržaŭnaha mieduniviersiteta Siarhiej Žavaranak, najčaściej sustrakajecca trapičnaja malaryja. Niebiaśpiečnyja pa hetaj infiekcyi rehijony — krainy Afryki i Paŭdniova-Uschodniaj Azii. 

Zachvorvańnie pieranosiać kamary, i dla pryjezdžych jano śmiarotna niebiaśpiečnaje. Sustrakajucca ciažkija vypadki malaryi (da 10 u hod), časam ź latalnym vynikam.

Jašče adno ekzatyčnaje dla nas zachvorvańnie — hiepatyt A.

«Heta infiekcyja, ź jakoj u nas raźvitalisia dva dziasiatki hadoŭ tamu, ale moładź nie maje imunitetu. Adnak jość vakcyna, i možna siabie zaścierahčy, — tłumačyć Siarhiej Žavaronak. — Prafiłaktyka kišečnych infiekcyj — heta vielmi prosta: čystyja ruki i vada, a taksama ježa, jakaja pavinna być haračaj».

Byli vypadki zaražeńnia šystastamozam, jaki dyjahnastujecca nadzvyčaj składana. Heta chvaroba, jakuju vyklikajuć hielminty-smaktuny, i padchapić jaje možna ŭ vadajomach.

Lichamanki Eboła i Marburh pieradajucca nie pavietrana-kropielnym šlacham, a pry kantaktach, naprykład, praz suvieniry, jakija nabyvajuć u ekzatyčnych krainach, adnak apošnim časam jaje nie zavozili.

A voś vypadki lichamanki Denhie zdarajucca: jaje pryvoziać sa Šry-Łanki, Indaniezii (uklučajučy Bali) i Maldyvaŭ. Dobra choć, što dalej za samoha zachvarełaha infiekcyja ŭ našym klimacie nie raspaŭsiudžvajecca.

Zdarajecca, što zavoziać i VIČ-infiekcyju, a toje, što virus «impartny», siońnia nieskładana dakazać z dapamohaj sučasnych łabaratornych daśledavańniaŭ.

Pavialičyć

Jakija miery pryniać pierad pajezdkaj?

Jak adznačyła zahadčyca adździaleńnia asabliva niebiaśpiečnych infiekcyj adździeła epidemijałohii Respublikanskaha centra hihijeny, epidemijałohii i hramadskaha zdaroŭja Anastasija Laškievič, pierad płanavańniem padarožža nieabchodna źviarnucca da doktara ŭ palikliniku pa miescy žycharstva i ŭdakładnić asablivaści znachodžańnia ŭ toj ci inšaj krainie z ulikam vašaha stanu zdaroŭja.

Varta acanić taksama svoj imunny status, bo ŭ šerahu krain fiksujucca ŭspyški adru, paliamijelitu, dyfteryi, słupniaku i inšych chvarob, jakija rehulujucca vakcynacyjaj. Hetyja pryščepki ŭ nas robiacca pa nacyjanalnym kalendary. Akramia taho, važna zahadzia ŭdakładnić epidemijałahičnuju situacyju ŭ krainie, jakuju vy źbirajeciesia naviedać.

Šerah krain, niebiaśpiečnych pa žoŭtaj lichamancy, patrabujuć najaŭnaści mižnarodnaha siertyfikatu ab praviadzieńni vakcynacyi. Pryščepku suprać hetaj infiekcyi možna zrabić na bazie 19-j staličnaj palikliniki. Pryščepka robicca adzin raz i dziejničaje ciaham usiaho žyćcia, adnačasova vydajecca mižnarodny siertyfikat.

Ad kamaroŭ da viarbludaŭ

Kab paźbiehnuć kišečnych infiekcyj, varta nie zabyvać myć ruki, vykarystoŭvać survetki, pramočanyja antysieptykam, kišennyja sprei. Važna zachoŭvać hihijenu charčavańnia — nie nabyvać ježu ŭ vuličnych handlaroŭ, užyvać tolki pradukty harantavanaj jakaści. Pry hatavańni ježy abaviazkovaja termaapracoŭka, asabliva heta tyčycca morapraduktaŭ, a jahady, zielaninu, harodninu i sadavinu abaviazkova treba staranna vymyć. 

Pavialičyć

Vadu rekamiendujecca ŭžyvać tolki butylavanuju ci kipiačonuju.

U krainach, niebiaśpiečnych pa infiekcyjnych zachvorvańniach, jakija pieradajucca z ukusami kamaroŭ, treba zahadzia pakłapacicca pra repielenty, nasić zakrytaje adzieńnie. U žylli vykarystoŭvać miechaničnyja srodki — połahi, supraćmaskitnyja sietki. Abaviazkova vybirać dla padarožžaŭ tolki pravieranyja maršruty, nie kupacca ŭ vadajomach, jakija nie adznačanyja ekskursijnaj prahramaj. Na plažy lepš chadzić u abutku, a lažać na padściłcy ci šezłonhu. Akramia taho, kab nie zarazicca vysokapatahiennym ptušynym hrypam, važna paźbiahać kantaktu ź dzikaj i svojskaj ptuškaj.

Taksama nie kantaktavać ź dzikimi žyviołami, jakija mohuć nanieści paškodžańnie, bo heta pahroza zaražeńnia šalenstvam, lichamankaj Marburh, vospaj małpaŭ. Pry padarožžy ŭ krainy Blizkaha Uschodu varta pamiatać, što viarbludy mohuć być krynicaj blizkaŭschodniaha reśpiratornaha sindromu.

• 2
• 0
• 0
• 0
• 0
• 0
• 0
• 0