SK pra incydent sa ślapym invalidam: Arciomaŭ paprasiŭ prabačeńnia pierad hramadskaściu i prasiŭ nie abvastrać stanovišča
Cledčy kamitet pravioŭ pres-kanfierencyju, jakaja tyčycca rasśledavańnia kryminalnaj spravy pra supraciŭ supracoŭnikam orhanaŭ unutranych spraŭ Dźmitryja Arciomava. Jaho žorstkaje zatrymańnie na stancyi mietro «Uručča», nahadajem, vyklikała vialiki rezanans u hramadstvie.
Jak raspavioŭ žurnalistam načalnik adździeła śledčaha ŭpraŭleńnia Upraŭleńnia SK pa Minsku Siarhiej Hamko, hałoŭnaj zadačaj śledstva stała ŭstalavańnie abjektyŭnaj karciny.
Śledčaj hrupaj, u skład jakoj uvajšli čatyry śledčyja, byli kanfiskavanyja zapisy z kamier videanazirańnia ŭ pierachodzie mietro. Dapytanyja bolš za tryccać śviedak pa spravie, a taksama paciarpiełyja. Zapytana šmatlikaja dakumientacyja ŭ dačynieńni Arciomava, u tym liku adnosna pryciahnieńnia jaho da adkaznaści raniej.
«Tak, za plačyma mužčyny dźvie sudzimaści za 1996 i 2006 za kradziež, sprobu kradziažu i chulihanstva», — paviedamiŭ Hamko.
Bolš za toje, u ramkach rasśledavańnia hetaj kryminalnaj spravy zapatrabavanyja materyjały pravierki, jakuju pravodziŭ RUUS Maskoŭskaha rajona pa fakcie damahańni z boku Arciomava da małaletniaj dziaŭčynki. Havorka idzie pra padziei 2014 hoda.
Udakładniajecca, što z zajavaj u milicyju źviarnułasia maci dziciaci i raspaviała pra nieviadomaha, jaki pieryjadyčna telefanuje jaje dačce. «Ja kazaŭ joj, što pačastuju cukierkami pryjedu ŭ škołu i zabiaru pahulać », — pieradaje prykładny źmiest razmovy Arciomava ź niepaŭnaletniaj śledčy.
Arciomaŭ tady rastłumačyŭ milicyjantam, što telefanavaŭ školnicy dla taho, kab pašyryć «svajo koła stasunkaŭ».
Śledčyja taksama ŭstalavali, što ŭ pieryjad sa śniežnia 2013 h. pa 17 vieraśnia 2015 hoda mužčyna amal štodnia (a ŭ vieraśni mienavita štodnia) naviedvaŭ ihralnyja ŭstanovy ŭ Minsku i Homieli.
Za hety pieryjad Arciomaŭ, pa ich słovach, vyjhraŭ u aŭtamaty paradku 1 miljarda 300 miljonaŭ rubloŭ.
Što tyčycca asoby zatrymanaha, što Arciomaŭ nikoli nie vajavaŭ u Afhanistanie, jak jon raspaviadaŭ niekatorym mienčukam. U jaho sapraŭdy majecca pieršaja hrupa invalidnaści pa zroku, adnak zroku jon pazbaviŭ siabie sam, pra što pryznaŭsia śledčym. Prablem z maŭleńniem i sa słycham, jak jon pakazvaŭ pry zatrymańni, Arciomaŭ nie maje.
Śledčy taksama paviedamiŭ, što Arciomaŭ lačyŭsia ad ałkahalizmu i padčas znachodžańnia ŭ miedustanovie charaktaryzavaŭsia z boku piersanału «vielmi admoŭna».
Pravaachoŭniki adznačajuć, što pry ŭźniknieńni da jaho pavyšanaj uvahi z boku milicyi, Arciomaŭ pačynaŭ udavać niamohłaha invalida, kab vyklikać žal navakolnych.
Apublikavanaja siońnia zajava, jakaja nibyta ad imia Arciomava była nakiravana prezidentu, adpraŭlałasia sacyjalnym słužbam horada, padkreślili ŭ SK.
Pa słovach Hamko miera strymańnia ŭ dačynieńni da padazravanaha nie ŭžyvałasia. Ź siońniašniaha dnia Arciomaŭ źmieščany ŭ Dom-internat dla piensijanieraŭ i invalidaŭ pa vulicy Vaŭpšasava ŭ Minsku.
Na pytańnie žurnalistaŭ pra toje, što kaža pra toje, što adbyłosia sam Arciomaŭ, śledčyja skazali, što nie mohuć padrabiazna pieradavać pakazańni mužčyny, bo śledstva jašče praciahvajecca. «U cełym jon paćviardžaje fakt svajoj datyčnaści da akazańnia supracivu supracoŭnikam milicyi. U čym raskajvajecca i prosić vybačeńniaŭ za pryčynieńnie cialesnych paškodžańniaŭ. Pryčym u ŭsioj hramadskaści, u tym liku — što jon źjaviŭsia inicyjataram takoha incydentu. U ahulnych rysach, prosić prabačeńnia va ŭsioj hramadskaści i kankretna — nie napružvać situacyju vakoł hetaha zdareńnia».
Što tyčycca zakonnaści prymianieńnia supracoŭnikami milicyi fizičnaj siły i śpiecsrodkaŭ (havorka idzie pra kajdanki) pry zatrymańni Arciomava, to tut ničoha novaha nie paviedamili. Jak było zajaŭlena, acenka dziejańniam pravaachoŭnikaŭ budzie dadziena paśla zakančeńnia pravierki i vyvučeńnia ŭsich materyjałaŭ spravy.
Na pres-kanfierencyi taksama było abvieščana, što Śledčy kamitet šukaje minčan, što byli śviedkami incydentu ad samaha pačatku kanfliktu. U pryvatnaści, adšukvajecca dziaŭčyna, fota jakoj udałosia atrymać dziakujučy kamieram videanazirańnia. Śviedku prosiać źviazacca sa śledčymi SK u luby zručny dla jaje čas.
Niežyvym znojdzieny ŭ Varšavie Źmicier Kaśpiarovič — 43-hadovy były palitviazień, zavierbavany KDB6
Kamientary