Upraŭleńnie Śledčaha kamiteta pa Minsku rasšukvaje kiroŭcu aŭtamabila Honda - Siańko Valancina Barysaviča (1991 hoda naradžeńnia), jaki ŭciok ź miesca avaryi, u jakoj dva čałavieki zahinuli i adzin atrymaŭ traŭmy.
Avaryja adbyłasia ŭ noč z 25 na 26 vieraśnia kala 23:55 na Partyzanskim praśpiekcie. Śledčyja ŭstanavili, što Siańko nie daŭ rady kiravańniu Honda, u vyniku čaho najechaŭ na lichtar.
Akramia kiroŭcy, u mašynie jechali try pasažyry. Mužčynu i dziaŭčynu (1976 i 1992 naradžeńnia), jakija siadzieli na zadnim siadzieńni, vykinuła z sałona. Ad atrymanych traŭmaŭ jany pamierli.
Jašče adzin pasažyr (1983 hoda naradžeńnia), jaki jechaŭ śpieradu, špitalizavany.
Kiroŭca ź miesca zdareńnia ŭciok. Zaviedziena kryminalnaja sprava pa prykmietach złačynstva, praduhledžanaha č. 3 art. 317 KK Respubliki Biełaruś (parušeńnie PDR abo ekspłuatacyi transpartnych srodkaŭ, što paciahnuła pa nieaściarožnaści śmierć dvuch asob).
Śledčaja hrupa źviartajecca da hramadzian, jakija vałodajuć infarmacyjaj pra miescaznachodžańnie Siańko V.B., z prośbaj akazać sadziejničańnie ŭ rasśledavańni, patelefanavaŭšy pa nastupnych telefonach: (017) 222-25-10, (017) 200-73-48, (033) 333 -67-19, (029) 124-16-97.
Kanfidencyjalnaść harantujecca.
Ciapier čytajuć
Biełarusam stała składaniej lehalizavacca ŭ Polščy — tam bolš nie prymajuć vydadzienyja ŭ BSSR dakumienty i patrabujuć apastyli48
Kamientary