Упраўленне Следчага камітэта па Мінску расшуквае кіроўцу аўтамабіля Honda - Сянько Валянціна Барысавіча (1991 года нараджэння), які ўцёк з месца аварыі, у якой два чалавекі загінулі і адзін атрымаў траўмы.
Аварыя адбылася ў ноч з 25 на 26 верасня каля 23:55 на Партызанскім праспекце. Следчыя ўстанавілі, што Сянько не даў рады кіраванню Honda, у выніку чаго наехаў на ліхтар.
Акрамя кіроўцы, у машыне ехалі тры пасажыры. Мужчыну і дзяўчыну (1976 і 1992 нараджэння), якія сядзелі на заднім сядзенні, выкінула з салона. Ад атрыманых траўмаў яны памерлі.
Яшчэ адзін пасажыр (1983 года нараджэння), які ехаў спераду, шпіталізаваны.
Кіроўца з месца здарэння ўцёк. Заведзена крымінальная справа па прыкметах злачынства, прадугледжанага ч. 3 арт. 317 КК Рэспублікі Беларусь (парушэнне ПДР або эксплуатацыі транспартных сродкаў, што пацягнула па неасцярожнасці смерць двух асоб).
Следчая група звяртаецца да грамадзян, якія валодаюць інфармацыяй пра месцазнаходжанне Сянько В.Б., з просьбай аказаць садзейнічанне ў расследаванні, патэлефанаваўшы па наступных тэлефонах: (017) 222-25-10, (017) 200-73-48, (033) 333 -67-19, (029) 124-16-97.
Канфідэнцыяльнасць гарантуецца.
Цяпер чытаюць
«Чакаем у Мінску +1 славутасць!» Блогераў прывезлі ў былую турму на Валадарскага19
Каментары