Siońnia, 26 vieraśnia, umovy nadvorja Biełarusi buduć farmiravać aktyŭnyja i małaruchomyja atmaśfiernyja franty, paviedamlaje sajt Respublikanskaha hidramieteacentra pogoda.by.
Da kanca dnia zachavajecca daždžlivaje nadvorje z navalnicami, u asobnych rajonach projduć mocnyja liŭni. Viecier paŭdniova-ŭschodni ź pierachodam na paŭnočny paryvisty. Maksimalnaja tempieratura pavietra składzie +13—20, pa paŭdniovym uschodzie krainy +21—26°C.
U najbližejšyja sutki, 27 vieraśnia, nadvorje pa-raniejšamu budzie vyznačać aktyŭny małaruchomy atmaśfierny front. Čakajecca vobłačnaje z prajaśnieńniami nadvorje. U mnohich rajonach daždžy, nočču i ranicaj na bolšaj častcy terytoryi, dniom pa paŭnočnym uschodzie mocnyja daždžy. U asobnych rajonach navalnicy. U načnyja i ranišnija hadziny miescami tuman. Viecier paŭnočny paryvisty. Tempieratura pavietra minimalnaja nočču +8—14°C, maksimalnaja dniom +10—16; pa ŭschodzie nočču +15—18, dniom +17—21°C. Atmaśfierny cisk nočču istotna nie źmienicca, dniom budzie raści.
Pavodle źviestak sinoptykaŭ, 28—29 vieraśnia nadvorje buduć vyznačać chaładnavatyja i vilhotnyja pavietranyja masy, što pastupajuć z poŭnačy jeŭrapiejskaj častki Rasii. Budzie pieravažać chaładnavataje nadvorje, apadkaŭ stanie mienš.
U paniadziełak, 28 vieraśnia, miescami karotkačasovyja daždžy, nočču i ranicaj tuman. Tempieratura pavietra nočču +4—10, dniom +10—16°C.
U aŭtorak, 29 vieraśnia, nočču ŭ krajnich paŭnočnych rajonach, dniom miescami pa krainie projduć nievialikija karotkačasovyja daždžy. Nočču i ranicaj u asobnych rajonach tuman. Tempieratura pavietra nočču +4—9, dniom +8—14°C.
Alaksiej Areška, BiełaPAN.
Ciapier čytajuć
Radyjoviadučy raskazaŭ pra ŭnutranuju kuchniu ANT — i pra toje, jak pieratvaryŭsia ŭ palitviaźnia2
Kamientary