«Hospad bačyć usio, i jon spraviadlivy», — miarkuje kiraŭnik biełaruskaj dziaržavy.
Alaksandr Łukašenka z trybuny Hienasamblei AAN, vystupajučy na plenarnym pasiadžeńni samita AAN pa ŭstojlivym raźvićci, zaklikaŭ mocnych śvietu da adkazu za dziejańni na Arabskim Uschodzie.
Alaksandr Łukašenka padkreśliŭ, što prykład adkrytaha palityčnaha chamstva, chłuśni i złačynstvaŭ suprać čałaviečnaści — na pavierchni.
Łukašenka prapanavaŭ uspomnić niadaŭnija fakty. «Pad padstavaj najaŭnaści chimičnaj zbroi ŭ Iraku viadomyja dziaržavy vyrašyli demakratyzavać Irak. I dzie heta chimičnaja zbroja? Dzie demakratyja ŭ Iraku? Navošta zabili prezidenta Iraka? Dzie naohuł hetaja kraina i jakaja budučynia ŭ irakskaha naroda? Na terytoryi hetaj dziaržavy ludziam stała žyć lepš? Nie», — skazaŭ biełaruski lidar.
«Vy — vinavatyja — skažacie, što pamylilisia, treba było b spynicca, ale znoŭ ža — nie, pajšli dalej. Pačali z Tunisa i skončyli Livijaj. Scenar toj ža.
Ukryžavali prezidenta Kadafi, źniščyŭšy dziaržavu. U Livii stała lepš? Nie. I dzie hetaja Livija naohuł jak cełasnaja dziaržava?» — adznačyŭ Łukašenka.
«Panovie, moža chopić? Nie, irvanuli ŭ Siryju. Pytajusia, navošta? Navošta zabivajecie ludziej, navošta zrynać dziejučaha prezidenta, čym jon vam nie dahadziŭ? Bolš za toje, bojniaj u hetaj krainie vy ścirajecie pieršyja ślady našaj z vami cyvilizacyi», — skazaŭ kiraŭnik biełaruskaj dziaržavy.
«Skažycie suśvietnaj supolnaści, čaho vy chočacie i da čaho vy imkniaciesia, jakraz pad vypadak z hetaj trybuny Hienieralnaj asamblei AAN», — padkreśliŭ Alaksandr Łukašenka.
Zhadaŭ taksama jon i pra ŭkrainski kryzis. «Kali nie spynim krovapralićcie ŭ Jeŭropie, bratazabojčuju bojniu, dapuścim eskałacyju hetaha kanfliktu, «horača» budzie usiamu cyvilizavanamu śvietu.
Prabačcie mianie, zrobim jašče adzin krok da hłabalnaha kanfliktu, a mahčyma, da novaj suśvietnaj vajny, užo ŭ centry cyvilizavanaha i prasunutaha śvietu», — skazaŭ biełaruski lidar.
«Niaŭžo, ustupiŭšy ŭ novaje tysiačahodździe, my tak i nie zrazumieli, jaki kvoły śviet i čałaviečaja cyvilizacyja?» — źviarnuŭsia jon da prysutnych u zale.
Alaksandr Łukašenka adznačyŭ, što chacieŭ by svaimi słovami padvieści mocnych śvietu hetaha da adnoj dumki. «Zrazumieła, siońnia niama toj siły, jakaja b vas spyniła. Ale ž kiraŭniki dziaržaŭ, jakija ździajśniajuć bluźnierstva, usie vierniki, navat mnohija publična molacca.
Ale hospad ža bačyć usio, i jon spraviadlivy. A kali razzłujecca i pakaraje vinavatych? Vas, vašy narody, jakija pacierpiać biaźvinna za vašy avantury», —skazaŭ jon.
«Dumaju, treba spynicca. Treba dapamahčy ludziam biednych krain apranucca, vylečycca, atrymać adukacyju. Nakarmicie hałodnych, vyratujcie ad hibieli dziaciej, i vam addasca», — padkreśliŭ Alaksandr Łukašenka.
Kamientary