«My znoŭ sutykajemsia z manipulacyjami». Ukraincy adkazali na rasijskija abvinavačvańni ŭ zaciahvańni abmienu ciełami i pałonnymi
Ukrainski Kaardynacyjny štab pa pytańniach abychodžańnia z vajennapałonnymi abvinavaciŭ Rasiju ŭ manipulacyjach i skažeńni faktaŭ adnosna pracesu abmienu pałonnymi i ciełami zahinułych. Pavodle štaba, rasijski bok śćviardžaje, što nibyta mienavita Ukraina zaciahvaje abmien, ale heta nie adpaviadaje rečaisnaści i parušaje papiarednija damoŭlenaści.
Ukraina, jak paviedamlajecca, užo pieradała svaje śpisy na abmien zhodna z kryteryjami, vyznačanymi padčas pieramoŭ u Stambule: heta ciažka paranienyja, ciažka chvoryja, maładyja sałdaty, a taksama pryncyp «usich na ŭsich». Adnak rasijski bok nibyta pieradaŭ inšyja śpisy, jakija nie adpaviadajuć ahulnamu farmatu, i ciapier nastupny krok za Rasijaj.
Data pieradačy ciełaŭ jašče nie była ŭzhodniena, a zamiest vykanańnia damoŭlenaściaŭ Rasija pačała dziejničać adnaboka, biez uzhadnieńnia z Ukrainaj. Ukrainski bok padkreślivaje, što adkryty da kanstruktyŭnaj pracy dziela viartańnia svaich pałonnych i zahinułych, tamu zaklikaje Rasiju spynić infarmacyjnyja manipulacyi i vykonvać damoŭlenaści.
Miž tym rasijskija pradstaŭniki śćviardžajuć, što Rasija ŭžo pieradała Ukrainie śpis z 640 pałonnych i dastaviła 1212 ciełaŭ ukrainskich sałdat u zonu abmienu. Ale, pavodle Minoborony Ukrainy, abmieny pavinny adbyvacca zhodna z kankretnymi katehoryjami i pavodle dakładna ahavoranych umoŭ, u tym liku pa viartańni 6000 ciełaŭ zahinułych.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha32
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu130130
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu130
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary