Trahiedyja ŭ Bielhii: ukrainski padletak pryznaŭsia ŭ zabojstvie maci i 6-hadovaj siastry
U bielhijskim horadzie Chaasrode adbyłasia žachlivaja trahiedyja — 16-hadovy chłopiec pryznaŭsia, što zabiŭ svaju maci i 6-hadovuju siastru, a zatym padpaliŭ dom. Siamja — z Ukrainy, apošnija try hady žyli ŭ Bielhii jak uciekačy.
Jak paviedamlaje vydańnie VRT sa spasyłkaj na prakuraturu, syn zabitaj žančyny pryznaŭsia, što nanios maci i siastry nažavyja ranieńni i śviadoma zrabiŭ pažar u domie, kab schavać ślady złačynstva.
Dom, u jakim zdaryŭsia pažar 6 červienia kala 9:30 ranicy, naležyć miascovamu śviataru, ale byŭ arandavany municypalitetam dla pražyvańnia ŭkrainskich biežancaŭ.
Pažarnyja znajšli cieła 46-hadovaj žančyny na miescy zdareńnia, a jaje maleńkuju dačku sprabavali reanimavać, ale, na žal, dzicia pamierła.
Pa słovach ekśpiertaŭ, pažar byŭ arhanizavany naŭmysna. Pieršapačatkova chłopiec znachodziŭsia pad apiekaj, bo byŭ u škole ŭ momant pažaru, ale ciapier jon pryznaŭsia ŭ ździejśnienym.
Matyvy dziejańniaŭ padletka pakul nieviadomyja.
Siamja z Ukrainy pražyvała ŭ Bielhii try hady. Baćka dziaciej — ukrainski vajskoviec.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary