Delehacyja Rasii pakinuła zału pasiadžeńniaŭ Hienasamblei AAN padčas vystupu prezidenta Ukrainy Piatra Parašenki na Samicie pa ŭstojlivym raźvićci ŭ znak pratestu.
«My pakinuli zału ŭ znak pratestu suprać adkryta palityzavanaj i ahresiŭnaj pramovy, jakaja całkam nie adpaviadała zajaŭlenaj temie samitu», — rastłumačyŭ surazmoŭca ahienctvu TASS.
Pa dadzienych TASS, u zale ŭsio ž taki zastaŭsia adzin rasijski dypłamat. Surazmoŭca ahienctva rastłumačyŭ, što «rasijski bok maje zvyčku słuchać svaich apanientaŭ i nie pakidać ich vystupy zusim biez uvahi».
Ahienctva «Interfaks» udakładniaje, što zału pasiadžeńniaŭ pakinuli dypłamaty na čale z pastajannym pradstaŭnikom Rasii pry AAN Vitalom Čurkinym.
U vystupleńni Parašenki kazałasia pra pośpiechi Kijeva ŭ palapšeńni sistemy achovy zdaroŭja, vykanańni abaviazacielstvaŭ pa pavyšeńni jakaści adukacyi i hiendarnaj roŭnaści. Pry hetym Parašenka taksama kazaŭ, što «horki vopyt Ukrainy pakazvaje, što śviet i svaboda źjaŭlajucca asnoŭnymi pieradumovami dla dasiahnieńnia» metaŭ raźvićcia tysiačahodździa, i zhadaŭ «zdradnickuju rasijskuju anieksiju» Kryma i ahresiju ŭ Danbasie, jakija pryviali da hibieli tysiač ludziej
Parašenka nazvaŭ heta pryčynaj «źjaŭleńnia novaj formy biednaści — raptoŭnaj abo niečakanaj biednaści, jakaja ŭpłyvaje na žyćcio kala 1,5 miljonaŭ ŭnutrana pieramieščanych asob va Ukrainie». «Kožny dzień vajny na ŭkrainskim Danbasie kaštuje nam kala 5 młn dalaraŭ ZŠA, jakija my mahli b układvać u praces ŭstojlivaha raźvićcia», - padkreśliŭ jon.
Kamientary