Hrodzienski doktar sprabavaŭ pravieźci praź miažu tabletki z utrymańniem zabaronienych psichatropaŭ. Na minułym tydni ŭ Bruzhach jaho zatrymali.
U doktara kanfiskavali 22 tabletki, jakija źmiaščajuć u sabie psichatropnyja rečyvy (tramadoł, psieŭdaefiedryn, dekstramietorfan), zabaronienyja dla ŭvozu ŭ Biełaruś. Kryminalnuju spravu raspačali pa č. 2 art. 228 KK Biełarusi (kantrabanda). Sankcyi artykuła praduhledžvajuć pakarańnie ŭ vyhladzie pazbaŭleńnia voli ad troch da siami hadoŭ. Vyrašajecca pytańnie ab zaviadzieńni kryminalnaj spravy pa art. 328 KK Biełarusi (niezakonny abarot narkatyčnych srodkaŭ i psichatropnych rečyvaŭ).
Viadoma, što mužčyna pracuje ŭ adnoj z hrodzienskich balnic aniestezijołaham. Ź jakoj metaj jon chacieŭ pravieźci zabaronienyja rečyvy, jašče vyśviatlajecca. Pad vartu padazravanaha nie ŭziali, paviedamiŭ namieśnik načalnika ŭpraŭleńnia pa narkakantroli i supraćdziejańni handlu ludźmi UUS Hrodzienskaha abłvykankama Dźmitryj Miańko.
Kamientary