U Kazachstanie pryniali rašeńnie ab masavym adstrele sajhakaŭ. Płanujecca likvidavać kala 800 tysiač asobin, abo prykładna 20% ad ahulnaj papulacyi, jakaja na siońniašni dzień dasiahnuła 3,9 miljona. Adstreł budzie prachodzić da 30 listapada.
Pryčynaj takoha rašeńnia staŭ rezki rost kolkaści sajhakaŭ, jaki ŭžo ŭtraja pieravyšaje histaryčny maksimum. U adnoj tolki Zachodnie-Kazachstanskaj vobłaści (z centram va Uralsku) ich bolš za 2,3 miljona.
U vyniku rezkaha rostu pahałoŭja sajhakam nie chapaje karmavoj bazy ŭ tradycyjnych miescach pražyvańnia, tamu jany źniščajuć sielhasuhodździ.
U kazachstanskich uradzie śćviardžajuć, što hetaja krajniaja miera nieabchodnaja dla zachavańnia ekałahičnaha bałansu i zasnavanaja na navukovych vysnovach i mižnarodnym dośviedzie (naprykład, Aŭstralii, Kanady i ZŠA).
Pavodle płana, z adstrelanych žyvioł 40% buduć darosłyja samcy, 40% — darosłyja samki, jašče 20% — maładyja asobiny.
Ułady taksama spadziajucca, što zmohuć atrymać z hetaj spravy prybytak, bo miasa sajhaka ličycca ekałahična čystym, a rynak jaho miasa, škur i rahoŭ aceńvajecca ŭ miljardy dalaraŭ.
Takim čynam, Kazachstan maje namier adnačasova abaranić ekasistemu i atrymać ekanamičnuju vyhadu. Ale rašeńnie jahonaha ŭrada vyklikała sprečki, asabliva ŭličvajučy toje, što sajhaki jak vid znachodziacca pad achovaj u susiednich krainach.
Ciapier čytajuć
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4343
Kamientary