Partyja «Apazicyjny błok», u jakuju ŭvachodziać pieravažna byłyja funkcyjaniery «Partyi rehijonaŭ», budzie pieranazvanaja ŭ «Partyju raźvićcia i miru».
Pra heta ŭ efiry ŭkrainskaha telekanała «Inter» zajaviŭ były kiraŭnik administracyi eks-prezidenta Viktara Janukoviča Siarhiej Lovačkin.
Pavodle jaho słoŭ, pierajmienavańnie pavinna adbycca na nastupnym źjeździe partyi.
«My dumajem pra rebrendynh, źmienu nazvy. U naźvie partyi pavinny być słovy, jakija b dakładna adlustroŭvali našy mety i zadačy. Chutčej za ŭsio, partyja budzie nazyvacca «Partyja raźvićcia i miru», — vykazaŭ mierkavańnie Lovačkin.
Lovačkin naležaŭ da prajeŭrapiejskaha kryła Partyi rehijonaŭ. Adnak jaho taksama abvinavačvali ŭ suŭdziele ŭ «derybanie». Jahony styl žyćcia našmat bolš raskošny, čym aficyjnyja dachody.
Kiravańnie Partyi rehijonaŭ u 2010—2014 skončyłasia revalucyjaj Jeŭramajdanu, a dezarhanizavanaja armija i śpiecsłužby nie zdoleli supraćstajać zachopu Rasijaj Kryma i častki Danbasa.
Kamientary