Žychary doma ŭ Minsku, na jaki zvaliŭsia viežavy kran, atrymajuć časovaje žyllo (kvatery manieŭranaha fondu Minharvykankama). Pra heta paviedamiŭ kiraŭnik administracyi Maskoŭskaha rajona stalicy Alaksandr Krepak, piša BiełTA
Ranicaj 28 vieraśnia viežavy kran, jaki pracavaŭ na budoŭli šmatpaviarchovika, zvaliŭsia na pryvatny dom na Hrušaŭskaj. Surjoznyja traŭmy atrymaŭ 25-hadovy kranaŭščyk, jon znachodzicca ŭ reanimacyi, jaho žyćciu ničoha nie pahražaje.
Pobač z novabudoŭlaj, na jakuju abrynuŭsia kran, z adnaho boku žyłaja šmatpaviarchoŭka, z druhoha dziciačy sadok, z treciaj — žyły dom. U dziciačym sadku nichto nie paciarpieŭ.
— Kali padaŭ kran, jon zakranuŭ elektrapravady, i kala sadka pavaliŭsia słup. Baćki ŭ hety čas viali dziaciej u sadok, chapali ŭ žachu dziaciej i ŭciakali, — raspavioŭ kp.by vychavalnik ź dziciačaha sada.
— Kali pačuła strašny huk, spałochałasia, schapiła dzicia, uziała telefon i vybiehła na vulicu, u čym była, — raspaviadaje mama adnahadovaha dziciaci. Kali padaŭ kran, pakoj u jaje domie razburyła. Kran abrynuŭsia ŭ mietry ad łožka małoha…
Kamientary