U Biełarusi i Rasii raspracujuć štučny intelekt z tradycyjnymi kaštoŭnaściami
11 lipienia padčas mižnarodnaj kanfierencyi ŭ miežach «Słavianskaha bazaru» ŭ Viciebsku dziaržaŭny sakratar «Sajuznaj dziaržavy» Biełarusi i Rasii Siarhiej Hłaźjeŭ zajaviŭ, što ŭ płanach jość raspracoŭka ŭłasnaha štučnaha intelektu, jaki budzie hruntavacca na tradycyjnych kaštoŭnaściach, zrazumiełych i blizkich dla hramadzian Biełarusi i Rasii, piša BiełTA.
Pavodle słoŭ Hłaźjeva, sučasnaja moładź najčaściej karystajecca zamiežnymi čat-botami, raspracavanymi ŭ ZŠA ci Kitai, i nie zaŭsiody ŭśviedamlaje, što źmiest i pryncypy hetych sistem mohuć upłyvać na śviadomaść i być schilnymi da manipulacyj.
Mienavita tamu ŭ «Sajuznaj dziaržavie» stavicca zadača stvaryć svoj, nadziejny štučny intelekt, jaki budzie, maŭlaŭ, adpaviadać nacyjanalnym i maralnym kaštoŭnaściam i słužyć instrumientam dla atrymańnia praŭdzivaj i abjektyŭnaj infarmacyi.
Taksama Siarhiej Hłaźjeŭ adznačyŭ, što kulturnaja palityka Sajuznaj dziaržavy pavinna być nie farmalnaj, a zasnavanaj na ŭdziele moładzi i spałučeńni tradycyj z sučasnaściu.
Na zakančeńnie jon paviedamiŭ pra inicyjatyvu stvaryć novy internet-partał «Budučyniu stvarajem razam», dzie moładź zmoža dzialicca svaimi idejami i bačańniem budučyni «Sajuznaj dziaržavy».
Babaryka try chviliny adkazvaŭ na pytańnie, čyj Krym. Tak i nie adkazaŭ89
Kamientary