Rajonny sud Čalabinska prysudziŭ miascovaha błohiera i antyvajennaha aktyvista Kanstancina Žarynava da dvuch hadoŭ pazbaŭleńnia voli ŭmoŭna za repost zvarotu zabaronienaj u Rasii arhanizacyi «Pravy siektar».
Uviesnu 2014 hoda Žarynaŭ raźmiaściŭ u sacyjalnaj sietcy «Ukantakcie» zvarot ukrainskaj arhanizacyi da rasiejcaŭ.
Sprava suprać Žarynava była raspačataja rehijanalnym upraŭleńniem FSB pa artykule «publičnyja zakliki da ažyćciaŭleńnia ekstremisckaj dziejnaści».
Sam Žarynaŭ tłumačyŭ, što dla jaho, jak palitołaha i aŭtara knih pra historyju teraryzmu, paviedamleńnie «Pravaha siektara» było cikavaje ŭ prafiesijnym aśpiekcie. «Pra niejki zaklik da niezakonnych dziejańniaŭ u mianie i dumak nie było», — kazaŭ jon.
U chodzie sudovych sprečak prakuror prasiŭ prysudzić Žarynava da troch hadoŭ pazbaŭleńnia voli z užyvańniem akta amnistyi. Sud daŭ padsudnamu na hod mienš, čym prasiŭ prakuror, i vyzvaliŭ Žaranava ad pakarańnia ŭ suviazi z amnistyjaj z nahody 70-hodździa Pieramohi.
«Pravy siektar» pryznany ŭ Rasii ekstremisckaj arhanizacyjaj, jaje dziejnaść na terytoryi krainy zabaronienaja.
«Stajać na svaim, kožny nakolki moža!». Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii4
Kamientary